Ni 8.10.2018 chawhma dar 11:00Am khan I&PR Conference Hall, Council vaih-ah Right to Information Week-2018 chu hlawhtling taka hman a ni. He Week hmanna hi Pu N. Vabeiratlua, I&PRO chuan a kaihruai a ni.

Right to Information Week-2018 hmanna-ah hian Pu Lalramsanga, CJM, Siaha District chuan Keynote Address sawina hun a hman hnuah he week a khuallian Pu T. Malsawmsanga, Project Director, DRDA, Siaha chuan thu sawiin, RTI Week hi 2011 atang khan kan hmang tan a, vawiin Ni-ah hlawhtling taka he week hman a nil eh thei chu lawmawm a tih thu leh a buatsaihtute chungah lawmthu a sawi. Mizoram ah pawh mipuite hian RTI Act hi kan hmelhriat chho ve tawh hle a. RTI Act avanga information kan mamawh tak tak te kan dawn phah fo tawh hi thil lawmawm tak a ni, a ti. RTI hmanga zawhna siam hi mipuiten kan tihtur a ni a, chhanna hi department leh a zawhna dawngtute tih ngei ngei tur a ni. Sawrkar in a duh ber chu langtlang sawrkar siam hi a ni a, chumi siam thei tur chuan mipuite kutah thui tak a innghat tih hria a he RTI Act hi hmang tangkai theuh turin vawiin a kalkhawmte chu a chah hlawm a ni.

Khualzahawm Pu V. Zacho, Executive Secretary, MADC pawhin thu sawiin, RTI Act hi Corruption kaihnuai ah chauh hmang lovin Department tinte hmathlir, hmachhawpte zawhnan hmang a, chu an hmachhawp leh hmathlirte chu engtiang in nge hma an lak a, an Plan siamte an tihhlawhtling em? Tih te hi bawhzui a, sawrkar khal ngiltu-ah hman tum theuh turin a chah hlawm bawk a ni.

RTI Week hmanna ah hian huamzau taka sawihona, zawhna leh chhanna hunte hman niin, Pu Lalnunkima Pisa, General Secretary, MJA, Siaha district chuan a kaihruai a ni. Resources Person Pu Lalramsanga, CJM, Siaha District leh Pu N. Vabeiratlua, I&PRO, Siaha te bakah Department hrang hrang a SPIO leh ASPIO ten mipuite zawhna an chhang a ni. Programme kar lakah zaithiam zaite ngaihthlak a ni a. Pu Lalnunkima Pisa, General Secretary, MJA, Siaha district chuan lawmthu sawina neiin, vawiin RTI Week hmanna programme hi a tihtawp a ni.