Vawiin hian Serchhip DC Conference Hall ah Right to Information Week, 2019 hmanna neih a ni a, Bawrhsap Pi Sangchhin Chinzah chu khuallian a ni.

Khuallian chuan, ram rorelna fel fai, khua leh tui tinten an mamawh an hriat theihna dan Right to Information chu mipuiten kan hman tangkaia kan hriat chian a tul tih sawiin; chutihlaiin sawrkar hnathawkte pawhin kan hnathawhna kawng tinrengah mipuite hriat tur chi thil pawimawh awm thei apiang te zawh kher ngai lova pho chhuah zel theih a tha hle, a ti a. RTI dan zirho tura kal khawmte chu chiang taka hriat tum turin a chah a ni.

Pu K. Saitluanga, DIPRO chuan he inkhawm hi a kaihruaia, Pu Samuel Zodinsanga, MCS, SDC leh Pu Denny Lalchuanawma, MCS, SDC ten RTI dan pawimawh hrang hrang te sawifiahna an nei a. Sawifiahna an neih hnu hian kal khawm ten zawhna an neih leh SPIO ten an lo tawn hriat tawh te sawi chhuahna hun an hmang zui a ni.