Vawiin khan Pu Lalduhthlana Ralte, Chief Information Commissioner (CIC), Mizoram State Information Commission hovin, ama Office ah kumin 2017 RTI Week hman dan tur rel a ni. 

Mizo mipuiten RTI pawimawhna an man chhoh tulh tulh hnuah a tangkaina hrelo engemaw zat an la awm a, nasa leh zuala sorkar kalphung tha  a awm theih nan leh dik taka hnathawh anih theih nan RTI Week hi hman leh nise tih meeting chuan an rel. 

Aizawl-ah State Level RTI Week, 5th October 2017 ah hman a ni leh ang a, District dang pasarih ah pawh D.C leh District Information & Public Relations Officer te hmalaknain a remchang ang zelin hman a ni dawn a ni. 

District tina College te inelna buatsaih nise tiin meeting chuan relin ‘RTI Hoarding’ a tulna apianga tar tur College zirlai ten intihsiakna atan an buatsaih ang a, District tina pakhatna siam niin, hengte hi State Level ah endik anih hnuah State Level pakhatna lawmman siam tum a ni bawk. 

State Level leh District Level a RTI hman hi Mizoram Information Commission leh Information & Public Relations Department ten tangrualin an buatsaih ang. 

RTI Seminar neih nise tih rel ani bawk a, a hmun atan Lunglei ruat a ni bawk.