Tunhnaia thlipui leh ruahpui thawkin Mizoram chhungah chhiatna hrang hrang a thlen dan report dawn thar zel a ni a. Saiha District IPRO hnen atanga thu dawn danin Saiha leh Lawngtlai District thuneitute hnen atanga thu dawn danin heng District 2-a chhiat tawh dan tlangpui chu a hnuai a mi ang hi a ni a, vanneihthlak takin nunna chan erawh an awm lo. Saiha District-a Lopu khuaah In 20 a chhia a, Lawngtlai District-a Thaltlang khuaah rangva In 11 a chhe bawk.
Lunglei District huamchhunga chhiat tawh dan tlangpui I&PRO Lungleiin a report theih chin ang chuan Lunglei RD Block huamchhungah Pucca Building chhe vek 7, chhe nasa 14 leh a then chhia (partially damaged) 34 an awm a; Kutcha Building chhe vek 1, chhe nasa 12 leh a then chhia 13 an awm. Bunghmun RD Block-ah Pucca building chhia 12 a awm a; Hnahthial RD Block-ah Pucca building chhe vek 19, chhe nasa 6, a then chhia 6 a awm a; Kutcha Building chhe vek 4, chhe nasa 2 a awm. Lungsen RD Block-ah chuan Pucca Building chhe vek 1, chhe nasa 3 leh a then chhia 1 a awm bawk. Kutcha building chhe vek 2, chhe nasa 6, a thenlai chhia 10 a awm bawk.
Kolasib District I&PR Deputy Director hnen atanga thu dawn danin he District a chhiatna hrang hrang hriat theih chin chu lei min avanga in chhe vek 5, chhe nasa 27 leh a then chhia 45; a vaiin in 77 a chhia a. Ruah, thlipui leh rial avanga inchhe vek 64, chhe nasa 89 leh a thenlai chhia 780 a vaiin 933 a awm bawk a ni.
Khuanu rel chhiatna hrang hrang hian Serchhip District-ah pawh mimal in leh lo chhiatna engemawzat a thlen a. An District IPRO thu thawnin a sawi danin heng chhiatna thlen zualna veng te chu Vengchung, Field Veng leh Chhim Veng an ni a. In chhe vek 11, chhe nasa 16 leh a thenlai chhia 58 a awm a. Hengah te hian hliam tenau tawk mi 5 an awm.
Champhai District ah chuan Pucca building chhe vek 8, chhe nasa 51, a thenlai chhia 64 awmin Kutcha building chhe vek 15, chhe nasa 51, a thenlai chhia 85 bakah school building chhe nasa tak 3 lai an awm thu District IPRO chuan a report bawk.
Mamit District IPRO hnen atanga thu dawn danin he District huamchhungah tun hnaia chhiatna thlen avang khan In chhe vek 20, chhe nasa 59 leh a thenlai chhia 149, a vaiin 228 a awm bawk.
