Pu P.C. Lalthanliana, Social Welfare Minister chuan vawiin khan NLUP Conference Hall ah Rualbanlote chanvo leh hamthatna an neihte chungchang training chu a hawng. Hawnna inkhawm hi Pi K. Vanlalrawni, Joint Secretary, Social Welfare Department in a kaihruai a, Pi Vanlaldini, Director, SWD in he training neih chhan leh a thil tum te sawina hun a hmang. Pu Lalrohlua, Under Secretary, DP & AR in Reservation of Posts for PwDs in the Government tih chungchang zirtirna a pe bawk a ni.

Pu Lalthanliana chuan rualbanloten chanvo nei mahse, heng an chanvo te hi ngaih pawimawh sak a tul thu sawiin a taka an neih theih nan vawiin meeting hi hlawhtling taka hman a nih ngei a beisei thu a sawi a. Sawrkar hna Rualbanlote tan 3% hauh sak chungchang sawiin tunah hian DP & AR in an post tur a ennawn mek a ni, tiin Commissioner for PwD Recruitment tur pawh peihfel a niin Cabinet Memo siam fel a nih tawh thu a sawi bawk.

Persons with Disabilities (Equal Opportunities, Protection of Rights & Full Participation) Act 1995 hiIndiaram pumpuia hman tur a ni a, Mizoramah pawh a provision hrang hrang te hikanhmang ve tawh a. A Act hming ang hian rualbanlote’n khawtlang leh rampumah midangte angin hamthatna leh hmasawnna lamah ngaihthah an nih lohnaturinan hmakhua a ngaihtuah sak thu Minister chuan a sawi a.

Group A, B, C & D hnaruak awm reng rengah Department tin hian he provision hi kalpui ngei tur a nih thu leh tuna training neihah hian 3% reservation calculate hi uluk taka zir a, rualbanlote hi anmahni inenkawl theihna tura intun nunna leh an talent te ramhmasawnna kawngah an hman tangkai ngei theihna rahbi lian tak pakhat a ni dawn a ni, a ti bawk.

Social Welfare Department in rualbanlote tana an hmalakna thenkhat te chu – 1) Assessment & Certificate Camp, Mizoram khaw hrang hrangah nei tawhin 16^th August, 2016 thleng khan mi 10008 te chu certificate pek tawh, 2) Handicapped Students 793 hnenah Stipend pek an nih leh Disability Pension mi 200 hnenah thlatin Rs. 250/- pek an ni bawk.