143/2023-2024

Rui chunga Lirthei khalh hi Dan-in a ngai thutak hle a. A hremna pawh section 185, The Motor Vehicle ( Amendment) Act, 2019-in a sawi angin Rs. 10000( Singkhat) chawi emaw thla ruk (a vawikhatna)/kum hnih( bawhchhiat nawnin) thleng Lung In a tan emaw a hrem theih a ni. Tin, section 6 (3), The Mizoram Liquor (Prohibition) Act, 2019 in a sawi angin kum hnih thleng Lung In tan emaw Rs 10000(Singkhat) thleng chawi emawa hrem theih a ni bawk. Supreme Court Committee on Road Safety chuan Order No. F. No. 05/2014/CoRS-part-III Dt. 18.08.2015 leh Order No. F. No. 05/2014/CoRS-part-III Dt. 17.11.2015 a tihchhuah ah State leh UT zawng zawng te hnenah thupek siamin rui chunga lirthei khalhte reng reng an driving license thla 3 (thum) aia tlemlo suspend zel turin a hriattir a ni. Rui chunga lirthei khalh hi a khalhtu mai bakah lirtheia chuang ve midangte tan a him loh mai bakah kawngpui hmangtu mipuite tan a him lo tak zet a ni. Hengte anih avang hian Lirthei khalhtu reng reng rui chunga lirthei khalh lo turin kan inngenin kan inhriattir a. Rui chunga lirthei khalh man an awm chuan dan angin natakin an chungah hmalak a ni ang a, pawisa chawi tir leh an driving license cancel tura hmalak zel a ni ang. Tin, a tul dan a zirin Court-ah pawh in thawn zel a ni ang. Mipuite pawhin rui chunga lirthei khalh te Traffic Station-ah emaw a hnai ber Police Station-ah emaw report zel turin kan inngen a ni.