144/2023-2024

Aizawl the 19th April 2023: Nimin khan US Consul General Melinda Pavek leh Chief Secretary, Dr.Renu Sharma ten Chief Secretary Office Chamber MINECO-ah inkawmna an nei a,thawhhona tur kawng hrang hrangte an sawi dun a ni.

Chief Secretary chuan Mizoramin hmasawnna kawng a zawh mek dan leh sawrkar hmalakna hrang hrangte Pi Melinda Pavek chu a lo hrilh a.Mizoram sawrkar leh US thawhdun theihna tur tamtak zingah inkalpawhna,eitur sawngbawlna,mau sawngbawlna,zin vahna lam,hriselna,sumdawnna,thil thar hmuhchhuah leh mahni ke a din theihna lam ah te anih thu a hrilh a,heng kawngah hian thawhhona tha a awm chuan Mizoramin chak zawkin hmasawnna a neih theih tur thu a lo hrilh a ni.

U.S. General Consulate Melinda Pavek chuan India leh US inkarah inlaichinna tha tak a awm thu sawiin,hei hian Mizoram tan pawh rah tha a chhuah ngei a beisei tih tarlangin Chief Secretary thuhrilh te pawh ngaihpawimawh anih tur thu a sawi a ni.Ram pahnih te inkarah thawhhona tha zawk a awm theih nan kawng tamtak zingah a ngaihpawimawh zual ;mipui leh mipui inkarah inpawhna tha zawk ,zirlai leh sumdawngte visa pekchhuah kawngah te,cyber security,solid waste management,industry leh hriselna lam anih thu sawiin chakzawk a hmalakna a awm theih nan thawhpui turin Mizoram sawrkar chu a sawm bawk a ni.

Pu Lalmalsawma Pachuau,Secretary, UD&PA, chuan Mizoram chanchin leh nihphung tlangpui presentation pekna hun a nei nghal bawk a ni.