Mizoram Excise & Narcotics Department (END), Anti-Narcotics Squad te leh khawtlang duty te tangkawp chuan ruihhlo dona kawngah hma la hovin damdawi zuar leh tawlhrute man an ni mek zel.

Mizoram Excise & Narcotics Department (END), Anti-Narcotics Squad te leh Saron Veng Branch YMA te tangkawp chuan nimin (3.7.2014), zan dar 7:00 khan Heroin gram 10 an man. Anti-Narcotics Squad te hian Heroin neitu Thawnga @ Zonunmawia (43) s/o Sangkhuma, Vaivakawn, Aizawl inti chu an man tel nghal. Heroin te hi sahbawn plastic bur ruak 2-ah dah a ni a. Tiau atanga a rawn lakthlak niin Aizawl-a hralh a tum mek laiin Saron Veng Branch YMA te leh END te hian an man ta a ni.

Heroin neitu, Thawnga hi Section 21(b) of the Narcotics Drugs & Psychotropic Substances Act, 1985 (NDPS Act) hmangin thubuai siamsak a ni a, Central Jail-ah dahluh nghal a ni.