Mizoram Excise & Narcotics Department, Anti Narcotics Squad te chuan nimin (16th October, 2014) zan dar 6:00 khan Zemabawk Dinthar Vengah Heroin gram 43 leh a neitu nia puh, Laltlanmawii (33) d/o Khupena (L), Zokhawthar, Champhai District, tuna Zemabawk Dinthar venga khawsa mek nia inchhal chu an man.

Anti-Narcotics Squad te hian vawiin zing dar 9:00 khan Falkland veng ah Heroin gram 92 leh a neitu nia puh, Lalzawmthanga (38) s/o Khawvelthanga, Zokhawthar, Champhai District leh Zohmingmuana (27) s/o Thanpuia, Zokhawthar, Champhai District nia inchhalte chu an man bawk.

Mizoram Excise & Narcotics Department, Anti Narcotics Squad te chuan Heroin (No.4) gram 135 leh heng damdawi neitu nia puh mi 3 an man.

Heng Heroin mante hi Myanmar lam atanga lokal an ni a. Heroin vanga mante hi NDPS Act, 1985 hnuaiah thubuai siamsak an ni.