Vawiin khan D.C Conference Hall Mamit-ah ni 17 April, 2017 a rul chuk avanga nunna chanta Lalthakima, Bawngva chhungte hnenah Rs 2,00,000/- (nuai hnih) leh Rul chuk avanga harsatna tawk Pi Lalramsangi Mamit Vengthar te hnenah Rs 12,944/-(singkhat sanghnih zakua sawmli pali) Pi Lalbiaksangi District Bawrhsap in hlan.
Pi Lalbiaksangi, District Bawrhsap chuan Sorkar atanga hetiang tanpuina dawng tur hian rang taka hmalak zung zung a harsat em em laia, a bawhzuitu Forest Department te leh Centre for Peace and Development (CPD) Child Line te chungah lawmthu a sawi a, tu chungah pawh vanduaina leh harsatna, nunna hial pawh chan theih kan ni a, chutihruala vanduai a chunga tanpuina an dawng chu lawmawm a tih thu a sawiin tanpuina dawngtute pawh tangkai taka an pawisa dawnte hmang turin a chah a ni.
He mi puala inkhawm hi Pu Lalnunsanga DFO Mamit chuan kaihruaiin Ramsa avanga thihna/hliam tuar leh thlai a tihchhiat a Compensation dil theihdan leh dil dan sawifiahna a nei a, kum 2013 hnu lama DFO Mamit kaltlanga tanpui pek dan a tarlang a. Vanduaina tawk ta Lalthakima Pa Alanga Bawngva hnen atang leh Bawngva VCP leh President Sub Hqrs YMA, Mamit hnen atangin thusawi ngaihthlak a ni bawk.
Vawiin a Sorkar atanga zangnadawmna dawngtu Lalthakima kum 8 Bawngva leh Pi Lalramsangi Mamit Vengtharin harsatna an tawh dan chu hetiang hi a ni.
Lalthakima leh a thiante hi ni 15.4.2017 khan Sabual Luiah in bual turin an kal a, hetah hian Lalthakima hian kawng sira lei kua lo awm chu Sava kua emaw tiin a zen a, hetah hian Rul hian a kut dinglamah a lo chuk ta a ni, he mi zan hian Hospital panpui lovin anmahni inlamah damdawi an hriat ang anga enkawl a ni a, a tuk 16.4.17 ah Mamit District Hospital panpui niin admit a ni a, rul tur hian a lo hneh tawh em avangin a tuk ni 17.4.17 ah Aizawl lama refer leh a ni a, Aizawl Civil Hospital ah hian theihtawp chhuaha Doctor ten an enkawl chungin rul tur hian a taksa a lo fanchhuah vek tawh avang leh a chak em avangin a nunnna in a tlin ta lo a ni. Lalthakima hi Mamit leh Aizawl a Childline Team te chuan theitawpa lo buaipuiin a damdawi man Rs 14048/- lai an pek sak a ni.
Pi Lalramsangi Mamit Vengthar hi ramkalna ah a chawnah rul hian a chuk a, Mamit Hospital leh Aizawl Damdawi inah hunrei tak enkawl a nih hnuin vanneih thlak takin a tha chhuak leh a ni.
He hunah hian Mamit khawpui chhunga E&F Department, CPD Childline, Joint V.C hruaitute, Sub Hqrs YMA hruaitute, President Mizoram Bru Co-ordination Committee leh Bawngva V.C leh YMA te bakah vanduaina tawk chhungte an tel a ni,
He mi puala inkhawm hi Pu Lalnunsanga DFO Mamit chuan kaihruaiin Ramsa avanga thihna/hliam tuar leh thlai a tihchhiat a Compensation dil theihdan leh dil dan sawifiahna a nei a, kum 2013 hnu lama DFO Mamit kaltlanga tanpui pek dan a tarlang a. Vanduaina tawk ta Lalthakima Pa Alanga Bawngva hnen atang leh Bawngva VCP leh President Sub Hqrs YMA, Mamit hnen atangin thusawi ngaihthlak a ni bawk.
Vawiin a Sorkar atanga zangnadawmna dawngtu Lalthakima kum 8 Bawngva leh Pi Lalramsangi Mamit Vengtharin harsatna an tawh dan chu hetiang hi a ni.
Lalthakima leh a thiante hi ni 15.4.2017 khan Sabual Luiah in bual turin an kal a, hetah hian Lalthakima hian kawng sira lei kua lo awm chu Sava kua emaw tiin a zen a, hetah hian Rul hian a kut dinglamah a lo chuk ta a ni, he mi zan hian Hospital panpui lovin anmahni inlamah damdawi an hriat ang anga enkawl a ni a, a tuk 16.4.17 ah Mamit District Hospital panpui niin admit a ni a, rul tur hian a lo hneh tawh em avangin a tuk ni 17.4.17 ah Aizawl lama refer leh a ni a, Aizawl Civil Hospital ah hian theihtawp chhuaha Doctor ten an enkawl chungin rul tur hian a taksa a lo fanchhuah vek tawh avang leh a chak em avangin a nunnna in a tlin ta lo a ni. Lalthakima hi Mamit leh Aizawl a Childline Team te chuan theitawpa lo buaipuiin a damdawi man Rs 14048/- lai an pek sak a ni.
Pi Lalramsangi Mamit Vengthar hi ramkalna ah a chawnah rul hian a chuk a, Mamit Hospital leh Aizawl Damdawi inah hunrei tak enkawl a nih hnuin vanneih thlak takin a tha chhuak leh a ni.
He hunah hian Mamit khawpui chhunga E&F Department, CPD Childline, Joint V.C hruaitute, Sub Hqrs YMA hruaitute, President Mizoram Bru Co-ordination Committee leh Bawngva V.C leh YMA te bakah vanduaina tawk chhungte an tel a ni,
Attachment
- Loading attachment...
