Vawiinah khan Rural Development Department Directorate a thawkte chuan RD Conference Hall, Chanmari-ah kum 2019 atana inhlantharna hun an buatsaih a, Rural Development Minister Pu Lalruatkima’n a hmanpui.

Ruaral Development Minister Pu Lalruatkima chuan Department hnathawktute chu kumthar chibai bukin Mizoram mipui zatve lai mai enkawla leirem an rah theihna tura tanpui a, ruahmanna siamsaktute nena thawhho chu mawhphurhna a san rualin chona hmachhawn chakawm tak anih thu a sawi a, thingtlang hmasawnna tura ruahmanna siam te kutthlak leh enzui (implementation & monitoring) ngaihpawimawh anih tur thu leh uluk taka kalpui a tul thu a sawi bawk.

Minister chuan mihringte hi inzir reng tur, khawvelah hian kan hriat aiin kan hriatloh a tam hle zawk ani tih hria a thlenchin atanga hmasawn zel tumna rilru pu a tan la sauh sauh turin Drpartment mi leh sa te a fuih a.Information Technology lamah nasa lehzuala hmasawn a ngaih thu sawiin IT kan thiam tlan chuan mipakhatin hna tam tak awlsam takin a thawk thei dawn a, paperless office kalpui hi thil theih a nih avangin helam hawi zawnga rilru pek a tanlak hi a pawimawh hle a ni a ti a, De3partment a thawktute chu thlatin hlawh lak mai hi an tumber nilo se, hmasawnna ngelnghet thingtlanga thlen tir tura theihtawp chhuah hi kan tum ber ani tur a ni a ti a, inleng lo dawnsawn kawngah te, punctuality leh hriselna chungchangah te pawh mahni invawn uluk a pawimawh hle ani a tia, Rural Development Department chu Minister viak tha leh taima, a ngaihna hre tak tak ten an lo kaihhruai tawh thin anih avangin mahni insit a awl hle mai a, amaherawhchu thawktu fel tak tak te nena tanrualna tha leh thawhhona tha hmachhuanin engmah a huphurh bikloh thu a sawi a, department inrelbawlna kawngah pawh hmalakna tur tamtak a awm tih ahriat thun leh theihtawp chhuah a tanlak a tum thu a sawi a ni.

Rural Development Director Pi Rita Lalnunmawii Pachuau pawhin thu sawiin Discipline, Sincerity leh Punctuality hi kum 2019 chhunga Department innghahna thupui ah hman a tul thu leh hei hian an hnathawh ah rahn tha tak a lanchhuah tir ngei ngei a rin thu a sawi a, Department a hnathawkte chu sawrkar tana chhawr tlak ni tura hriselna vawng uluk turin a chah bawk a ni.

Vawiin inhlantharna inkhawm ah hian Pu Zonunsanga, LDC in hunserh a hmang a, thusawi bengvarthlak tak tak ngaihthlak ani a, Pu Thara Lungtau, Deputy Director (Accounts) in lawmthu sawina hun hmangin hnu a khar a ni.