3754/2023-2024

Aizawl 9th February, 2024 : Vawiin khan MLA Conference Hall, Annexe Building-ah Prof. Lalnilawma, Rural Development Minister hovin RD Department Officer rualte nen Review Meeting neih a ni.

Prof. Lalnilawma, RD Minister chuan kan ram hmasawnna tura Department pawimawh ber kan nih angin kan bial, thingtlanga kan mipuite khawsakin hma a sawn em? danglamna a thlen em? tihah kan ngaihtuahna kan hman fo a pawimawh a ni tiin kan department leh schemes te chiang tur leh schemes hnuaia Fund te chu dik tak leh anihna ang taka hmang thin turin a chah.

India ram pum huap Rural population chu 60% anih laiin kan ram chu 48% vel Rural Area awm kan ni a, chuti chung chuan kan ram thingtlang leh khawpui inkar chu a la inthlau hle a, thingtlang hmasawnna tur hian kan pawimawh lehzual a ni a ti. Thingtlanga kan mipuite quality of life chu chawikan anih theuh theih nan rilru thar leh tha thar nen theihtawpchhuah a, khawpuia hmasawnna leh thil thar awmte chu thingtlangah pawh a awm ve theih nan tan kan lak a pawimawh hle bawk a ni tiin Retheihna leh tam umbo tura UN Sustainable Development goals-in min phut anga a tihlawhtling theitu pawimawh te zinga mi kan nih angin theihtawpchhuah zel turin kalkhawmte chu a chah a. Kan hmalakna chu thil tereuhtete aiin thil lian tham leh hriat tham deuh khawtlang tan pawha rohlu ni thei se la, kan hnathawh quality compromise lova, department dangte nena thawhhona convergence dap uar tur leh mipuite tana thawk kan nih ang ngeiin Officer biak nuam leh hawihhawm tak ni turin kalkhawmte chu a chah bawk a ni.

He hun hi chawhma hun leh chawhnu hunah then niin chawhma hunah hian Addl. Secretary, Rural Development Department hnen atangin Rural Development Department - comparative analysis in the performance of Districts and Blocks on key Parameters; related issues and its redressal tih thupui hmanga presentation ngaihthlak a ni a. The Path to Sustainable Rural Development (A Project Specific) - Brainstorming of Ideas tih thupui hmangin Jt. Secretary, RD Department bakah Deputy Secretary, RD Department hnen atangin Monitoring - A technical Aspect (MGNREGA & PMAY -G) tih ngaihthlak a ni bawk.

Chawhnu hunah CEO, MzSRLM hnen atangin MzSRLM - Success Story on SRLM & DDU-GKY, Director, RD Department hnen atangin Overview of PMKSY - WDC 2.0, BADP (Achievement & Way forward), BDO, Lawngtlai hnen atangin Innovative practices under various Rural Development Schemes (A block Perspective), Project Director, DRDO Kolasib hnen atangin Achievement, Issues & Challenges - A District Perspective, Director, SIRD hnen atangin State Institute of Rural Development (Achievement & Way forward) ngaihthlak anih bakah Director, Social Audit Unit (MISSAAT) hnen atangin Social Audit Brief Report ngaihthlak a ni bawk a ni.

He hunah hian RD Block hrang hrangte RD Schemes hnuaia an hna thawh dan sawihona leh zawhna leh chhanna hun hman nghal a ni bawk.

Vawiin thutkhawm hi Pu V. Lalengmawia, Addl. Secretary, RD Department chuan kaihruaiin Focus neia hna thawk tur leh danglamna thlentu nih tum a, mipui nghenhnaih ber an nih anga tan la lehzual tur leh tuihna titam tura hnathawh pawimawhzia a sawi a. Pu R. Lalthazuala, Director, Rural Development chuan lawmthu a sawi a ni.