Rural Development Minister Pu R. Lalzirliana chuan nimin (2nd March, 2017) khan East Lungdar RD Block-a Capacity Building and Skill Development, Employment Generating Scheme hnuaia puanthui leh carpentry kalpui mek chu a hmunah a tlawh a ni. 

Capacity Building and Skill Development, Employment Generating Scheme hnuaiah hian tailoring leh carpentry bakah hian handloom la kalpui leh tura ruahman a ni a. Tunah hian puanthui zir 31 leh carpentry zir 50 an awm a. E. Lungdar RD Block-a khaw 12 zinga BADP kalpuina khaw 10 a huam a ni. 

Minister hian Khawzawl RD Block- Tlangpui leh Tlangmawi te tlawh telin, RD hnuaia hmalakna thenkhat a hmunah ensak a. Tuichang bialtu MLA Pu Lalrinliana Sailo leh district officer thenkhat in an tawiawm a ni. 

Khaw mipuite kawmna hun neiin Home Minister chuan hmasawnna kawng kan zawh naah kan chenna ram kan ngai pawimawh hmasa ber tur a ni, a ti a. Kan vengchhung a mi chhawmdawl ngaite leh ruihhlo vanga buai te en kân lovin hmasawnna hi rualkhai takin a kal tur a ni, a ti a. Home Minister chuan mahni chauh inngaihtuah lovin midangte thatna tur pawh kan ngaihtuah a, midangte tan malsawmna kan ni zel tur a ni, a ti a ni. 

Minister Pu R. Lalzirliana hian kuthnathawktute eizawnna tihhmasawn nan kumin chhunga Mizoram hmun hrang hranga Agriculture Link Road metre 500 a thui siam a nih tur thu a tarlang bawk.