Prime Minister Office atanga thuchhuak angin State Chief Minister ten an State chhunga MLA zawng zawngte an Bial chhunga Model Village tura khaw pakhat theuh thlang chhuak tura tih a ni a. 7-Tulvawl Assembly Constituency Bialtu Pu R.L. Pianmawia chuan Sawleng khua chu Model Village a tan a thlang a.
Hemi chungchangah hian vawiin khan Dy. Govt. Chief Whip Pu R.L. Pianmawia Office-ah Meeting neih a ni a. Meeting hi SAGY Nodal Officer Pu V. Lalengmawia’n a kaihruai a, SAGY awmzia leh a thil tumte Projector hmangin member kalkhawmte a hrilhfiah a. Sawleng khua, Model Village atana chei dan tur rawtna hrang hrang sawiho a nih bakah, Model village chungchanga hriattur pawimawh zawng zawngte Department hrang hrang atanga Officer kalkhawm te nen sawihona hun an hmang bawk a ni.
He hunah hian Department hrang hrang atangin Officer 20 (sawmhnih) an kalkhawm a, Sawleng V/C te pawh kim takin an kal a ni.
