Vawiin chawhma dar 7:00 a.m. khan DC Conference Hall-ah Faina Hapta hawnna inkhawm neih a ni.  He hawnna inkhawm hi Pu Vanlalngena, Addl, DC, Saiha District in a kaihruaia,  PU R.T.  Zachono, CEM, MADC chu khuallian a ni.

Khuallian chuan thusawiin, hausakna te, thiamna te leh ropuina ah te min kan phak lo pawhin Fainaah chuan kan tum phawt chuan mi kan khum thei a ni , a ti. Khuallian chuan faina hi hriselna chauh ni lo vin, min ti zahawmtu, min ti mawitu a ni a, hmasawnna nena kal thiang tlat a ni, a ti bawk.

He Faina Hapta hawnna inkhawmah hian Mizoram Sorkar leh MADC hnuaia Officer te, Politician te, NGO hruaitute, zirlai naupangte, chanchinbu thehdarhtute an tel  a, Pu Zatluanga, Medical Superintendent, pawhin Faina chungchangah thusawina hun a hmang bawk  a .Pu N.Vabeiratlua, I&PRO in vote of thanks sawiin, Faina Hapta hawnna inkhawm chu a tin a ni.