Vawiin chawhma dar 10:30Am Khan DC’s Conference Hall-ah, Directorate of Disaster Management and Rehabilitation leh District Disaster Management and Rehabilitation te bul tumin, One Day Training on IRS (Incident Response System) & IDRN( India Disaster resource Network) neih a ni.He workshop hi Pu John L.T. Sanga, Addl. DC leh District Level-a IRS Incident Commander ni bawk chuan a kaihhruai a , Pi Marilyn Rualzakhumthangi, SDO(S) leh District Nodal Officer(DM) chuan “Function of DDMA( District Disaster Management Authority) and Introduction of District DM(Disaster Management) Plan” tih thupui hmangin chhiatrupna Saiha District-a lo thleng ta se, eng tin nge kan lo hma chhawn ang? tu te nge chhanchhuah hna leh chhawmdawlna hna thawk anga, tute kaihhruaina hnuaiah nge chhanchhuahna leh chhawmdawlna hna chu awmze neih taka kalpui a ni ang?,tih te leh District chhunga chhiaprupna lo thleng thula, DM&R te lo inbuatsaih dan leh hmachhawp hrang hrang te chipchiar takin a sawi.

He Workshop hi chawhma leh chawhnu session-a then a ni a, chawhma-ah chuan Pu Zothansanga, District Organizer, DM&R chuan “Introduction to IRS” tih thupuia hmangin power point presentation a neih a. IRS nihphung leh District kalpui dan turte chipchiar takin a tarlang a ni. Pu VL Zuithanga, District Organizer, DM&R chuan “Roles and Responsibilities of various IRS Position Holders” tih thupuia hmangin power point presentation a pe bawk a. District chhunga Chhiatrupna a lo thlen thula , Department hrang hranga officerte mawhphurna leh duty te a tarlang a ni.

Chawhnu session-a chuan Pu Zothansanga, District Organizer, DM&R chuan “Introduction to India Disaster Resource Network (IDRN)” tih thupuia hmangin power point presentation pe leh-in, IDRN nihphung leh Department tin ten IDNR-a kan tihtur hrang hrangte leh tih dan tur inhrilhriat a ni. Tichuan “Tabletop Exercise and Discussion” hunah hian thutna te insiamrem thain, IRS hnuaia Group thendan angin, Workshop chhimtute chu a group te te-a thuin, chhiatrupna lo thlen thula lo hmachhawn dan turte, group hrang hrangte thawhho dan tur leh District chhunga chain of command te huangzau taka sawihona neih a ni.