India ram Republic Day 60-na, ram puma vawiin khan hman a nih angin Saiha ah pawh District Playground ah Deputy Commissioner Pu Kunal, IAS hovin chawhma dar 9:30 khan ropui takin hman a ni. Khuallian Pu Kunal chuan hnam puanzar pawtpharhin parade contingents chibai bukna a chhang a, mipui te hnenah thuchah sawiin district mipui zawng zawngte hnenah duhsakna a hlan a, mipui tana ram venhim hna thawktu sipai te hnenah a bik takin chibai bukna a hlan bawk.
Khuallian chuan India ram zau taka cheng hnam chi hrang hrang te chakna chu kan inpumkhatna leh inunauna a ni, a ti a, hei hian hun khirh tak karah pawh tha takin min hruaitlang thin a ni, a ti. Mipui te chawikan nana kawng hrang hranga Sorkar hmalakna te tarlangin Pu Kunal chuan Agriculture lamah National Watershed Development Project for Rain fed Areas (NWDPRA) hnuaiah khaw 15 huamin Project 18 thawh mek a nih thu te, Rural Development lamah kumin chhungah chhungkaw 12152 te tan ni 64 inhlawhna, Rs 972 lakhs leh material component atan Rs 78 lakhs sen a nih tawh thu te, BRGF hnuaiah khawtlang rotling community hall, retaining wall, etc siam nan Rs.857 lakhs sen a nih tawh thu te a sawifiah a. Health lamah kumin chhung khan NRHM hnuaiah Saiha Civil Hospital ah OPD building sak thar a ni a, khaw hrang hrangah Health Sub Centre 17 sak zawh a ni bawk. Mizoram PWD ten PMGSY hnuaiah kawng 181.73 km an siam tawh ah 69.88 km chu BRTF hnenah hlanchhawn a ni a, heng baka khaw inkar kawng hrang hrang an siam chhoh mek te chuan inkalpawhna tha zawk kan district tan a siam zel a ni, a ti.
Power & Electricity lamah chuan kan district ah khaw 33 eng pek an ni tawh a, a la bang zawng pawh reilote ah tihen beisei an ni a, KJP Scheme hnuaiah chhungkaw 2833 hnenah electric a thlawnin pek an ni, a ti bawk. SSA hnuaiah school building tarn tak sak an ni a, Saiha leh Tuipang ah Sports Academy buatsaih mek nun zirlai harsa zualte tan Girls Hostel pawh sak mek a ni, a ti. Thingtlang mi rethei te chawikan nana Mizoram Sorkarin NLUP a ruahman pawh a hlawhtlin ngei theih nan a kaihhnawih department-a mithiamte kaihhruaina-in Saiha District ah kalpui tum a nih dante a tarlang a. Khawtlang hamthatna lamah thalai te chu nakin khawvel kaihruaitu leh siamtu tur te an nih hre renga an thatlai hun ram leh khawtlang tana tangkai taka hmang thiam turin a fuih a, hmeichhia te pawh harsatna an tawh thinte hriatpuia kan dawmkan thiam a pawimawh a ni, a ti bawk.
Khuallian chuan kum lo kal tur atana ruahmanna hrang hrang te sawiin hmasawn hna chak leh rualkhai zawka thawh a nih theih nan DC Office ah District Planning Cell, Addl. D.C. kaihhruaina hnuaiah din a nih tawh thu te a tarlang a, BRGF hnuaiah PMGSY-in a khawih tel loh khaw inkar kawng siam tum a ni a, district kilkhawra chengte bik tan tui thianghlim, inthiarna tha, etc. te siamin hmun remchangah model village din tum a ni a, hnamro thil te humhalha chawikan nan Saiha District Cultural Centre din nan sum thahnem tak dah a ni dawn a, mipui vantlang hriselna atan bawlhhlawh paih dan tur tha zawk ruahman tum a nih thu te, theihai leh aieng thar te tanpui nan nasa lehzuala tan lakpui dan turte, thingtlang khaw hrang hrangah Village Council House tunlai taka thuam te, sorkar leh mipui te indawrna tur remchang atana internet hman tangkai dan tur te, thingtlang mi te harsatna, lungawitohna leh mamawh te thlenna tur helpline siam te Pu Kunal chuan a sawifiah a, heng ruahmanna hrang hrang hawlhtlinna tur hian mitin tawiawmna a sawm nghal bawk a ni.
Kumin Saihaa Republic Day lawmna ah hian kum danga tih ngai loh, New Delhi-a an tih thin angin Department hrang hrang leh NGO ten an hmalakna te tarlanna Tableau an buatsaih chu mipui thlir theih turin an pholang a, mipui ten hmuhnawm an tiin an lawm hle a ni. Hei bakah hian MTP ten Hnam lam Solakia an entir a, AMKA leh SDTA ten Karate leh Taekwondo hmuhnawm tak an entir bawk a ni.
Khuallian hian Parade Contingent 9 awmte zinga a titha hengte hnenah hian lawmman a sem nghal a : First - Lorrain English School, Second - Govt. High School, Third - Don Bosco School, Police thawk tha zual heng - David H.Lallianhluna, ASI, H.Lalremruata, ASI, Const.B.D.Chauhan, Const.Ratul Gogoi leh Const. Lalzawmpuia te hnenah Incentive Award a hlan bawk. Tableau siamtu titha zualte chu First - MTP Gen. Hqrs., Second - Power & Electricity, Third - Environment & Forest, MADC te an ni a, Education & Human Resources Dept., MADC te buatsaihin hetiang hian lawmman hlan an ni bawk:- Good Teachers Award 1 .S.Ngialo, H/M Chakheitlah P/S, 2. C.Nahlu, H/M Amobyu ‘B’ P/S, S.J.C.Lakhansanga, Education Veng M/S, 4. K.Lalbiakzuia, Diary M/S, Tuipang; Good School Award - 1. Chapi M/S, 2. Lorrain English School, 3. New Saiha P/S-II, 4. Chakhei P/S/-I.
Vawiin Republic Day lawmna ah hian Palak MLA Pu P.P.Thawlla pawh a tel a, chhun dar 12 ah DC Bungalow ah sawm bikte tan thingpui inhona ‘At Home’ neih a ni bawk. He Ni pual hian District Jail, Hospital leh Hnuchham In te hnenah thilpek hlan an ni a, chawhnu dar 2 khan Republic Day Football Final, United Football Club, Saiha Vengpui leh Council Veng Football Club ten an khel a; Saiha SP Pi Suman Goyal, IPS-in lawmman a sem a ni.
Power & Electricity lamah chuan kan district ah khaw 33 eng pek an ni tawh a, a la bang zawng pawh reilote ah tihen beisei an ni a, KJP Scheme hnuaiah chhungkaw 2833 hnenah electric a thlawnin pek an ni, a ti bawk. SSA hnuaiah school building tarn tak sak an ni a, Saiha leh Tuipang ah Sports Academy buatsaih mek nun zirlai harsa zualte tan Girls Hostel pawh sak mek a ni, a ti. Thingtlang mi rethei te chawikan nana Mizoram Sorkarin NLUP a ruahman pawh a hlawhtlin ngei theih nan a kaihhnawih department-a mithiamte kaihhruaina-in Saiha District ah kalpui tum a nih dante a tarlang a. Khawtlang hamthatna lamah thalai te chu nakin khawvel kaihruaitu leh siamtu tur te an nih hre renga an thatlai hun ram leh khawtlang tana tangkai taka hmang thiam turin a fuih a, hmeichhia te pawh harsatna an tawh thinte hriatpuia kan dawmkan thiam a pawimawh a ni, a ti bawk.
Khuallian chuan kum lo kal tur atana ruahmanna hrang hrang te sawiin hmasawn hna chak leh rualkhai zawka thawh a nih theih nan DC Office ah District Planning Cell, Addl. D.C. kaihhruaina hnuaiah din a nih tawh thu te a tarlang a, BRGF hnuaiah PMGSY-in a khawih tel loh khaw inkar kawng siam tum a ni a, district kilkhawra chengte bik tan tui thianghlim, inthiarna tha, etc. te siamin hmun remchangah model village din tum a ni a, hnamro thil te humhalha chawikan nan Saiha District Cultural Centre din nan sum thahnem tak dah a ni dawn a, mipui vantlang hriselna atan bawlhhlawh paih dan tur tha zawk ruahman tum a nih thu te, theihai leh aieng thar te tanpui nan nasa lehzuala tan lakpui dan turte, thingtlang khaw hrang hrangah Village Council House tunlai taka thuam te, sorkar leh mipui te indawrna tur remchang atana internet hman tangkai dan tur te, thingtlang mi te harsatna, lungawitohna leh mamawh te thlenna tur helpline siam te Pu Kunal chuan a sawifiah a, heng ruahmanna hrang hrang hawlhtlinna tur hian mitin tawiawmna a sawm nghal bawk a ni.
Kumin Saihaa Republic Day lawmna ah hian kum danga tih ngai loh, New Delhi-a an tih thin angin Department hrang hrang leh NGO ten an hmalakna te tarlanna Tableau an buatsaih chu mipui thlir theih turin an pholang a, mipui ten hmuhnawm an tiin an lawm hle a ni. Hei bakah hian MTP ten Hnam lam Solakia an entir a, AMKA leh SDTA ten Karate leh Taekwondo hmuhnawm tak an entir bawk a ni.
Khuallian hian Parade Contingent 9 awmte zinga a titha hengte hnenah hian lawmman a sem nghal a : First - Lorrain English School, Second - Govt. High School, Third - Don Bosco School, Police thawk tha zual heng - David H.Lallianhluna, ASI, H.Lalremruata, ASI, Const.B.D.Chauhan, Const.Ratul Gogoi leh Const. Lalzawmpuia te hnenah Incentive Award a hlan bawk. Tableau siamtu titha zualte chu First - MTP Gen. Hqrs., Second - Power & Electricity, Third - Environment & Forest, MADC te an ni a, Education & Human Resources Dept., MADC te buatsaihin hetiang hian lawmman hlan an ni bawk:- Good Teachers Award 1 .S.Ngialo, H/M Chakheitlah P/S, 2. C.Nahlu, H/M Amobyu ‘B’ P/S, S.J.C.Lakhansanga, Education Veng M/S, 4. K.Lalbiakzuia, Diary M/S, Tuipang; Good School Award - 1. Chapi M/S, 2. Lorrain English School, 3. New Saiha P/S-II, 4. Chakhei P/S/-I.
Vawiin Republic Day lawmna ah hian Palak MLA Pu P.P.Thawlla pawh a tel a, chhun dar 12 ah DC Bungalow ah sawm bikte tan thingpui inhona ‘At Home’ neih a ni bawk. He Ni pual hian District Jail, Hospital leh Hnuchham In te hnenah thilpek hlan an ni a, chawhnu dar 2 khan Republic Day Football Final, United Football Club, Saiha Vengpui leh Council Veng Football Club ten an khel a; Saiha SP Pi Suman Goyal, IPS-in lawmman a sem a ni.
Attachment
- Loading attachment...
