Vawiin chawhnu dar 2Pm khan DC Office-a Officer te chuan nimin leh nimin piaha ruah nasa taka surin, thil tih chhiat a neih leh neih lo te enin, Saiha khawpui chhunga Land slide Prone area leh Sinking Area te an tlawh. Saiha Khawchhunga Hall lian ber, College Veng-a Laila Hall chhuat chu Inches 4-5 velin a thlahniam tih hmuchhuah a ni a. Ruah atlak zel chuan ngaituah awm tak tur dinhmunah a awm. Edenthar veng leh Council vengah te pawh leimin a awm nual a, motor kawng hnawhphui erawh a neih lo a, kalkawngte leh step thenkhat hnawhphui te erawh a neih a ni. College veng-a in pakhat chu a luahtuten an chhuah san tawh a, in pakhat pawh an in hnuai atanga tui a put chhuah avangin, a luahtu ten zan tin an riahchhuah thin thu a hmun tlawhtu Official-te an hrilh. New Colony veng-a sinking Area pawh tlawh a ni a, tunah rih chuan a hmaa lei tlahniam bak kha a tlak hniam belchhah lo a ni a, bul vela chengte atang pawhin in engmah report thar dawn ala awm rih lo.

Landslide Prone area leh sinking area te hi Pu John LT Sanga, Addl.DC, Pi Marilyn Rualzakhumthangi, SDO(S) leh DM&R Nodal Officer ni bawk te, Pu HD Lalpekmawia, EO leh DTO ni bawk te, Pu N.Vabeiratlua, I&PRO leh College venga VC leh MTP hruaituten an tlawh a ni.