Vawiin chawhnu khan Serchhip District Election Officer leh District Bawrhsap ni bawk Pi Juhi Mukherjee, IAS chuan thuchhuah siamin Serchhip District chhunga Assembly Constituency pahnih, 26-Serchhip (ST) A.C. leh 28-Hrangturzo(ST) A.C. huam chhunga Polling Station thenkhat siam rem tum a nih thu a sawi. Heng Polling Station siam rem turte hi a hrechiang duh tan he hriattirna chhuah atanga ni sarih (7) chhungin Election Branch, Deputy Commissioner Office, Serchhip te, Electoral Registration Officer (ERO) Office Thenzawl leh North Vanlaiphai bakah AERO(BDO) Office, East Lungdarah te en theih a ni.

He bial siam rem tur chungchanga sawi duh leh rawtna nei duh tan, hun tiam chhung ngeiin District Election Officer Office, Serchhip-ah ziaka thehluh theih a ni.