School Education Department chuan a hnuai ami ang hian Chhingchhip a Sainik School hawn thara admission ti tur tan hriattur pawimawh thuchhuah a siam :-

Sainik School Chhingchhip chu 2017 Academic Session atanga tan tura ruahman a lo ni ta a. Tunah hian Prospectus leh Question paper hlui te School Education Department chuan a pe chhuak tan mek a. Hengte hi SDEO leh District Council-a E0 te kutah dah a nih bakah Directorate of School Education, McDonald Hill, Zarkawt, Aizawlah lak theihin a awm bawk ang. Hei bakah hian prospectus hi Directorate of School Education website schooleducation.mizoram.gov.in ah download theih turin dah a ni bawk.

Dan pangngai ang chuan Prospectus hi Rs. 250 a hralh tur a ni a, question paper hlui hi set 1 Rs. 50 zela hralh tur a ni bawk a. Amaherawhchu Mizoram Sorkar ruahmanna angin School Education Department chuan kumin atan bik chuan hengte hi a thlawnin a pe chhuak ang. Entrance Examination application form hi December 10, 2016 thleng mahni bialtu SDEO Office-ah emaw Directorate of School Education-ah emaw thehluh theih a ni ang a, exam hi January 15, 2017 ah neih tur a ni ang.

Admission hi Class VI atan chauh a ni dawn a, mipa naupang kum 10 tling tawh, July 1, 2017 a kum 11 la pumhlum hmanlo tan dil theih a ni. Sainik School naupangte hi Mizoram Sorkar chuan Scholarship tha tak a pe dawn a, nu leh pa tan insengso lutuk si lova an fate’n zirna tha tak an neih theihna tur a ni a. Rual kan awh em em na pakhat, Armed Forces lama Officer ni thei tura naupang chherna tha ber pakhat a ni bawk.

Hetianga Mizoram chhung ngei a Sainik School kan lo neih dawn tak avang hian Sainik School, lmphal-a Class-VI a Mizoram-in quota kan lo neih ve thin kha a tawp dawn tawh bawk a ni.