Mizoram Science, Technology & Innovation Council, Directorate of Science Technology huaihawtin tunlai hian Aizawl District leh Lunglei District khaw hrang hrang sawmli (40) thlanchhuahah Science & Technology Mass Awareness Programme kalpui mek a ni. 

Vawin chawhma khan Sairang High School-ah he programme hi hlawhtling taka hman a ni a. School naupangte hnenah Lo leh Huan Neihdan Tha leh Tlo (Sustainable  Agriculture), Hriselna leh Thianghlimna ( Health and Personal Hygiene), Puithuna leh Science (Science and Superstition), Science leh Technology lam zirna kawng inkawhhmuhna (Career in Science and Technology) tih thupuia hmangin naupangte zirtirin beihpuithlak a ni. A remchan dan ang zelin Mizoram pumpuiah chhunzawm zel tura hmalak tum anih thu Directorate of Science &Technology chuan an sawi.

He hunah hian school naupangte zirtirna leh fuihna hun hman anih bakah lehkhabu (Booklet) sem a ni a. He Programme hi MISTIC, Directorate of Science & Technology, Govt. of Mizoram leh National Council for Science & Technology Communication (NCS&TC), Department of Science & Technology Government of India, New Delhi tangkawpa buatsaih a ni.