4024/2023-2024

Dated Saitual the 1st March 2024: Vawiin khan Saitual Keifang Centenary Ground ah Chapchar Kut 2024 ropui tak a lawmna hun hman a ni a, he hun hi Prof Lalnilawma, Minister of State in Kut Pa niin a hmanpui a ni.

Prof. Lalnilawma chuan Chapchar Kut a Kut pa a a tang thei chu a lawmawm a tih thu sawiin, Saitual District chuan reilo te chhungin hmasawnna lian tak kan hmu a ni, a ti. Hun rei tak atang Saitual tui pump na, a full capacity a pump theih tawhloh chu siam that a nih tawh thu sawiin, Saitual in a mamawh tak District Transport Office pawh Sawrkar in a phalsak tawh a ni, a ti.

Prof. Lalnilawma chuan Chapchar Kut chu Seipui khua atanga hman tan a nih thu sawiin kan pi puten an hman chhan ber chu lo an vat zo a ,hliam leh harsatna lian tham tawklo a an awm chu lawmthu sawina kut atan an hmang a thin a ni, a ti. Chapchar Kut chu lo hlu chho zelin khawvel hmun hrang hrang atangin hnamdang te pawh Chapchar Kut min hmanpuiin an lo kal a ni, a ti. Chapchar kut chu Mizo culture vawnnunna a ni,a ti a, kut kan hman hian Mizo hnam kan chawinung zel a , chumi piah lamah chuan thawhhona tha a piang thin a ni, a ti . Zonun zemawi hawn theuh turin kalkhawmte chu a chah bawk.

Dr Lalngura Tlau, Saitual Bawrhsap, Kut thlengtu chuan Mizo ten a kan  Kut lawm nasat leh ropui ber Chapchar Kut hmang theia mipui thahnem tak an chhuak khawm chu ropui a tih thu sawiin, Chapchar Kut chu inngaihtlawmna atanga chhuak a nih ang ngeiin kut hmang tura kalkhawmte chu inngaitlawm leh Zonunmawi tak vuan chunga hun hmang zel turin a chah. Chapchar Kut chu hlimna kut a nih ang takin hlim taka lawm turin a sawm hlawm a, khawi hmunah pawh awm mah ila Chapchar Kut leh Mizo ina Kut kan hman thin dangte chu chawisang a vawng nung zel tur kanni ,a ti.

Chapchar Kut lawmnaah hian zai leh Mizo hnam lam hmuhnawm tak tak chi hrang hrangte entir a ni a.  Costume parade te hla do chham te, Cheraw kan leh Mizo hnam lam chi hrang hrang te entir niin Miss Chapchar Kut thlan chhuah a ni bawk.

Vawiin a Keifang Centenary Ground a Chapchar Kut lawmna Programme ahhian Saitual leh a chhehvel a Branch YMA, YMA chhang, MHIP leh MUP ten item hrang hrang hmuhnawm tak tak an entir a , mipui thahnem tak an kalkhawm a ni.