2133/2023-2024

Dated Saitual the 3rd October 2023 : Vawiin khan Saitual ah political parties te nen election expenditure chungchang sawihona na neih a ni a, media monitoring chungchang ah training neih a ni bawk.

He election expenditure chungchang sawihona, Saitual DC Conference room a neih hi Saitual Bawrhsap Dr Lalngura Tlau chuan kaihruaiin election a party tinte hman theih zah fel taka bituk a nih avangin rate hrang hrang set chu a pawimawh hle thu a sawi a. Political party lo kalkhawmte chu an in senso na tur hrang hrang atana rate fix kawngah uluk taka rilru ngaihtuahna seng turin a ngen bawk.

He thutkhawm ahhian MNF, Congress leh ZPM party aiawh te telin, uluk taka sawiho a nih hnu in election chhunga party tinte sum hmanna tur hrang hrang te chu thlir ho a nih hnu in pawm tlan a ni.

Chawhnu lamah media certification and monitoring committee, Bawrhsap kaihruaina tho in thutkhawmna neih leh a ni a, hetah hian advertisement rate pre Certify ngai te sawiho a ni bawk a,print leh electronic media rate te pawm tlan nghal a ni. He thutkhawmna neih zawh hian media certification and monitoring committee te tihtur leh an hnathawh dan tur Pu David A Lalhmingchhuana, Saitual DIPRO in training a pe in media monitoring chungchang a thil tul leh pawimawh ang ang te members kalkhawmte hrilhhriatna a nei a ni.