1124/2023-2024

Dated Saitual the 13th July 2023: Vawiin khan Saitual District Election Office atangin mipuite hnena EVM hmanga Vote thlak dan enchhinna EVM demonstration centre chu District Election Officer in hawng a, Mobile Demonstration Van a vailiam bawk.

He Mobile Demonstration Van vailiamna Program ah hian District Election Officer Dr.Lalngura Tlau chuan thu sawiin Electronic Voting machine hmanga Vote thlak chu mi thenkhat tan hriat harsa tak a ni ve thei a ni, a ti a. Chuvang chuan EVM demonstration Centre leh Mobile Demonstration Van chu hlawhtling taka Saitual District a MLA election neih a nih theih nan mipui ten an chhawr tangkai ngei a beisei thu a sawi.

EVM/VVPAT Demonstration Centre (EDC) hi mipuiten Mizoram Legislative Assembly, General Election 2023 lo awm tur atan EVM an lo hmelhriat chian a, a hman dan leh a nihphung te an hriat chian theih nan Deputy Commissioner/District Election Office, Saitual-ah siam a ni a. Tin, khaw hrang hrangah Mobile Demonstration Van (MDV) hmangin he inzirtirna leh vote thlak chhin hi kalpui a ni dawn bawk.

Vawiin a EVM / VVPAT Demonstration Centre hawnna leh Mobile Demonstration Van Vailiamna hun hi Saitual District Election Officer,Dr Lalngura Tlau bakah Laldinfeli, Election Officer Saitual leh Saitual District Election Staff ten an hmang a ni.