3438/2023-2024

Dated Saitual the 23rd January 2024 : Nimin khan Saitual DC Office tual zawl atangin Inthlan vote thlakna atana hman electronic voting machine (EVM) hman dan a taka an lo hmuha an tih chhin theihna tura Saitual District chhung fang kual tura ruahman, EVM Mobile Demonstration Van chu tukin khan Saitual Bawrhsap pisa tual zawl aṭangin Saitual District Dy. DEO, Pu Lallawmawma chuan a vai liam.

EVM Demonstration Van hian polling station hrang hrang a tlawh kual dawn a, heihi February ni 23, 2024 thleng tur a ruahman a ni. Mobile demonstration van bakah hian EVM Demonstration Centre (EDC), DC Office Saitual bakah SDO (Civil) Ngopa, BDO Phullen leh BDO Thiangsulthliah Office-ah te siam niin heng hmunah te hian pisa kai hun chhungin mipuite tan vote a thlak chhin theih reng a ni.