2897/2023-2024

Dated Saitual the 1st December, 2023 : Vawiin chawhnu khan DC Office complex Saitual -ah Saitual District chhunga MLA Constituency pathum, 9-Tawi, 8-Chalfilh leh 21 - Lengteng te Vote Counting Rehearsal neih a ni.

Saitual District hnuaia MLA Constituency 3-a vote tla chhiar tur hian Counting officials 126 an awm, chungte chu: Counting supervisor -40, Counting Assistant -44 leh Micro Observer -42 te an ni. Heng Constituency tin hi RO leh ARO te bakah observer 1 theuh in an vil bawk dawn a ni.

Vote hi round thum a chhiar tura ruahman a ni a,  zing dar 8 ah Saitual DC complex ah Hall pathum ah chhiar tan a ni anga, Postal ballot atang bul tanin dar 8:30 ah EVM CU te chhiar theih tura ruahman a ni. Table hi CU counting table, Postal Ballot table, ETPS pre counting table leh VVPAT counting table te belhkhawm in AC pathum atan hian 37 awm tur a ruahman a ni.