4658/2024-2025

Dated Saitual the 15th March 2025 : Vawiin chawhma dar 10:30 khan Keifang Zawlbùk ah District Consumer Redressal Council, Saitual District huaihawtin World Consumer Right Day, 2025 hman a ni a, he hunah hian Saitual Bawrhsap Dr Lalngura Tlau chu khuallian niin hun a hmanpui a, vawiina Consumer Rights Day hmannaah hian " A just Transition Sustainable Lifestyle" chu theme atan hman a ni.

Khuallian Dr Lalngura Tlau chuan kalkhawmte hnenah lawmthu sawiin District Consumer Righs Day, Saitual District a hman a ni chu lawmawm a tih thu sawiin District Consumer Potection Council chungchang sawizauna a nei a, thil lei leh hralh chungchanga lungawilohna nei ten District Protection Council-ah englaipawhin ah an thlen thei reng a ni, a ti.

Khuallian chuan mipuite ngawngna leh rights hriatchian lohna remchanga laa service provider tam takten chin tawk awmlova chet an la ṭhin chu thil huatthlalaawm tak a ni, a ti a. Chutih rualin mihring tam berte chu consumer leh service provider an nih kawp avangin rinawm leh dik taka hna thawk a, khua leh tui ṭha ni turin a chah a, sumdawnna kawng hrangahte, sawrkar office dawrna chungchangahte, mipuiten an dikna chanvo ṭheuhte huaisen taka hmang tur leh an rights te hrechiang a, ṭan la thar ṭheuh turin a chah bawk.

Vawiin programme hi Pu Zairemkima, DCSO, Saitual chuan kaihruaiin Pi Lalsawmliani, Account Officer, DCSO in hunserh a hmang a, Pi Lalrinnungi, Consumer Disputes Redressal Commission, Saitual leh Pu Thangzachhing, President,District Consumer Union, Saitual te pawhin Consumer protection Act 2019 chungchanga mipuite hriattur pawimawhte an sawi a ni. Vawiin meeting ah hian NGO hrang hrang aiawh leh Keifang Higher Secondary School, Consumer club member engemawzat an tel bawk.