675/2025-2026
Saitual, the 30th May, 2025: Ruah leh thlipui vanga chhiatna thleng thei laka mipuite an fimkhur theih nan Saitual District Management Authority (DDMA) chairman, Dr. Lalngura Tlau chuan a hnuaia tarlan ang hian hriattirna a chhuah
MIPUITE NGENNA LEH HRIATTIRNA:
Mizoram chhunga hmun thenkhatah ruah sur vanga leimin report a awm zeuh zeuh avangin mipuite fimkhur turin leh chiai lo turin kan inngen a, amaherawhchu Saitual District mipuite kan lo fimkhur zawk nan a hnuaia tarlante hi mipuiin ngai pawimawha lo zawm theuh turin kan inngen in kan inhriattir e.
1. Ruah tui a tlak rei tawh avangin leimin laka kan him zawk nan tul bik thil loah chuan mipuite zin veivah tam loh ni se, loh theih loh thila zin chhuah a ngai a nih chuan kawng lakah leimin vanga kawng inhnawh thut thei a nih avangin ei leh in tur bakah First Aid Kit pai tur a ni.
2. Lirthei neite’n lirthei kan dahna hmun a him tawk em tih en hmasak tur a ni a, leimin mai thei emaw leimin hlauhawmna hmunah dah loh hram tur a ni.
3. Mahni in leh a velah leimin hlauhawm a awm a nih chuan khuh hul that tur a ni a, kan in leh lo a him tawk lo emaw leimin mai thei dinhmunah a ding a nih chuan insaseng vat tur a ni.
4. Ruahsur tam laiin lui leh tui hmunah te kal loh tur a ni.
5. Tuihawk luan kawr hnawh ping thei zawngin bawlhhlawh emaw lei vung paih loh tur a ni a, ruahsur laiin lei laih loh tur a ni.
6. Chhiatna thleng thut a lo awm a rang taka report-a hma lak zung zung a nih theihna turin kan veng/khua Village DisasterManagement Committee-te hnenah a rang thei ang bera hriattir tur a ni.
7. Thu dik tawk lo leh belhchian dawl lo thehdarh loh tur a ni a, thehdarh lui kan awm a nih chuan Disaster Management Act 2005 hnuaia hremna dan tarlan angin an chungah hremna kenkawh a ni ang.
Chhiatna a lo thlenin Village Disaster Management Committee-in rang takin an bawhzui tur a ni a. Saitual District Emergency Operation Centre emaw kan Zonal Officer- te emaw hnenah a rang thei ang bera hriattir tur a ni. Saitual District chhunga Zonal Officer- te biak pawh theihna phone number kan han tarlang e.
1. Pi Dorothy Muansangi, SDO(C) Ngopa Sub-Division 9774066872
2. Pu J. Lalhmahruaia, BDO Phullen RD Block (Phullen Zone) 8258067528
3. Pi Christina Lalnunfeli, SDC Phullen RD Block, Saitual Zone 9089234494
4. District Emergency Operation Centre Saitual District 8794958343
Mipuite ngenna leh hriattirna.pdf
