2747/2026-2027

Khuangchawi Thla ni 21, 2026:  Ruihhlo do beihpuia hmalakna kalpui zelin, October ni 20, 2026 khan Saitual District Police Special Team chuan Keifang, Kualmawi bulah random checking an nei a.

Zing dar 5:40 vel khan, Manipur lam atanga Aizawl pana tlan, Maruti Suzuki Brezza rawng var (Registration No. AS 11 T 8278) chu an tiding a. He motor hi Manipur, Kangpokpi District mi Thangminlun Baite (24) khalh niin, dan phal loh thil phura rinhlelh vanga tiding an ni.

Hriatpuitu rintlak takte hmuh lai ngeia motor hi uluk tak an endik hnuin, heroin ni ngeia hriat Sahbawn bawm 100 chu lirthei chhunah hian an hmu chhuak a ni. Heng an thil man te hi a rih zawng Kg 1.457 niin, a hlut zawng chu cheng vaibelchhe 2.914 vel a tling a ni.

Motor khaltu hi man nghal a ni a, a kaihnawihte chhui zui mek zel a ni.