4154/2025-2026

Saitual, the 26th of January, 2026 : Vawiin khan India ram mahnia ro inrela a din ṭanna ni, Republic Day vawi 77-na chu Keifang Centenary Sports Complex, Saitual District-ah ropui taka lawm a ni a. He hunah hian District Bawrhsap, Dr. Lalngura Tlau chu khuallian niin parade contingents 15 te hnam puanzar chibai buk a chhang let.

He Republic Day lawmnaa hnam puanzar pawtparhtu Dr. Lalngura Tlau chuan India Republic Day vawi 77-na lawm tura kalkhawmte chu chibai a buk a, January ni 26,1950 atanga India Danpui (Constitution) chu a taka hman tan a lo ni ta tih sawiin, he ni hi India khua leh tui te zawng zawng te tan ni ropui leh chhinchhiah tlak tak a ni, a ti. Khuallian chuan Danpui kan hman aṭangin India ram chu mipui thlante rorelna (democracy) ram lian ber a lo ni thei ta tih a sawi a, he Danpui hian India ram khua leh tui zawng zawng te tan dikna, zalenna, intluktlanna leh inunauna min pek bakah ei leh bar intodelhna leh mipa leh hmeichhe intluktlanna thlengin kawng min hawnsak a ni, a ti. Dr. Lalngura Tlau chuan kan ram tana sulsutu hmasate, zalenna min thlen a, Danpui tha tak min siam sak tute hre reng a, zahna chibai buk theuh turin kalkhawmte chu a sawm a ni.

Khuallian hian Department hrang hrang kaltlanga Sawrkarin Saitual district hmasawn nana a hmalakna hrang hrang langsar zualte a tarlang a. Chung Department hrang hrang hnuaia hmalakna te leh khuallian thusawi hi a kimchang zawkin a hnuaia link-ah hian chhiar theih a ni a, DC office website-ah chhiar tur a awm bawk a ni.

https://dipr.mizoram.gov.in/post/republic-day-2026-saitual-bawrhsap-dr-lalngura-tlau-thusawi

Republic Day lawmnaah hian Parade Contingents 15 awmin, Unarmed Contingents- 3, Middle School Contingents- 8, High School Contingents- 3, Higher Secondary Contingent-1 te an ni a, hei bakah hian Pipe band 1 an awm bawk a ni. Parade commander hi ASI Lalrinngheta niin, 2nd Commander hi H/C R.Laldinpuia a ni.

Vawiina Keifang Centenary Sports Complex-a Republic Day lawmnaah hian khuallian Dr. Lalngura Tlau chuan a hnuaia mite hnenah hian chawimawina a hlan:

Ceremonial Parade Commander- ASI Lalrinngheta
2nd Ceremonial Parade Commander- H/C R. Laldinpuia
Pipe Band- Govt Saitual High School (Boys & Girls)

School parade contingent ti tha lawmman dawngtute chu:

Middle School Section:
1st Position: Oxford English School, Saitual
2nd Position: Graceland Middle School, Saitual
3rd Position: Govt. Rulchawm Middle School

High School & Higher Secondary Section;
1st Position: District Higher Secondary School, Keifang
2nd Position: Presbyterian English School, Keifang
3rd Position: Ruallung High School

Kawng hrang hranga Saitual District tihmingthatute chawimawina hlan nghal an ni a. Chungte chu:

1. H. Malsawmzuali d/o David Lalremsiama, Presbyterian English School, Keifang
Bureau of Energy Efficiency (BEF), Ministry of Power, Govt of India hnuaia NEEPCO in State Level Painting Competition 19.11.2025-a a buatsaihah H.Malsawmzuali D/o David Lalremsiama, Presbyterian English School, Keifang chu Category ‘A’ ah 3-na a ni a. National Level ah Mizoram aiawhin a tel bawk a ni.

2. Govt. Saitual High School Pipe Band
Govt. Saitual High School Pipe Band te chu India Eastern Zonal Level Band Competition 2025-2026-ah Girl Band Category leh Boy Band Category ah 3-na lawmman an la ve ve a ni.

3. Lawmsangzuala Khiangte S/o Zodinthara, Govt. Saitual High School
Zoramchhani D/o Zosangzela, Govt. Saitual High School
28th-29th November, 2025–a Science Teachers Association Mizoram leh Samagra Shiksha Association-in 33rd State Level Children Science Congress an buatsaihah Saitual District aiawhin an tel a, Top 10-ah an tling ve ve a ni.

4. JLR Hmangaiha S/o Lalrinliani, Presbyterian English School, Keifang
Mizoram Mathematics Society in 17th State Level Competition 25th Oct 2025-a neihah JLR Hmangaiha S/o Lalrinliani, Presbyterian English School, Keifang chuan District Award a dawng a ni.

5. Lalengmawia Pachuau s/o Lallianmawia, Govt. Saitual High School
HSLC 2025 ah Science Subject (99 Marks) ah Mizoram pum a ti tha ber dawttu a nih avangin cash award a dawng. He lawmman hi SCERT bul tumin HSLC leh HSSLC 2025 a Science leh Mathematics a top three te hnenah pek thin a ni.

6. Emmanuel Lalvenhima Tlau S/o Hmangaihdawnga Cl-VII, Oxford English School, Saitual
Benjamin Lalhruaisanga S/o Jerry Lalremruata Cl –VIII, Oxford English School, Saitual
An ni hian nikum khan State Level Red Ribbon Quiz Competition ah pathumna lawmman an la ni.

7. Const. K Lalhriatpuii, Saitual DEF
National leh State Level Arm Wrestling Competition hrang hrangah Levelah vawi eng nge maw Gold la tawhin Saitual district hming a titha hle a ni.

Prominent Achievements –

(ARM WRESTLING)
1) Weight class 80+ kgs (National Level) - Gold (2016 to 2021)
2) Champion of Champion (National Level) - Gold, India no. 1 (2016 & 2017)
3) International Sheru Classic Championship - Gold (2019)
4) India pro league - Gold (2020, 2022 & 2025)
5) Champion of Champion (State Level) - Gold - Mizoram No. 1 (2014 to 2025)
6) Open Championships (State Level) - Gold (2014 to 2025)

8. Constable T Lalhruaitluanga leh Driver Grade-II Lalremsanga
Saitual DEF Special Team ASI H.Lalpekhlua kaihhruai team ten ni 15.01.2026-a Keifang kualmawia Random Checking an neih naah ruihhlo eng emaw zat phurtu chu a tlanchhia a, random check motor driver Lalremsanga leh Constable T.Lalhruaitluanga te hian an huaisen takin an umzui a, an man a ni. Misual an umzuinaah hian hliam te hial tuarin, an nunna thapa huaisenna an lantir avangin chawimawina hi an dawng a ni.

Kum 2025 chhung khan school, office, bazar leh dawr te faina kawnga endik a ni a, hengte hi category hrang hranga lawmman dawngtute chu an ni:

Middle School & Below:
1st-Govt. Middle School-I,Saitual
2nd -Govt. Middle School-lI,Saitual
3rd -Govt. Rulchawm Middle School

High School & Above:
1st-RMSA Secondary School,Saitual
2nd-District Higher Secondary School,Keifang
3rd-Ruallung High School

Govt. Offices:
1st-Office of the Chief Medical Officer, Saitual District
2nd-District Rural Development Office, Saitual District
3rd-Office of the District Agriculture, Saitual District

Marketshed:
1st- Saitual Chhim Veng Bazaar
2nd- Saitual PWD Kawn Bazaar
3rd- Keifang Bazaar

Hotel:
1st- Green Hills Hotel, Keitang
2nd- 5 Sisters Hotel ,Keifang
3rd- CZ Hotel, Keifang

Homestay/Lodge:
1st-Casper Inn Homestay, Saitual
2nd-Forest Rest House, Saitual
3rd-TMS Diamond Lodge, Saitual

Furnitures & Auto Workshop:
1st- Siakeng Furniture Works, Keifang Venghlui
2nd- Thansanga Memorial Auto Works, Saitual
3rd- PC Two Wheelers Work, Saitual Chawnpui Veng

Restaurant:
1st- Donna Tea Stall,Saitual PWD Kawn
2nd- Cake&Me:The Doll House, Saitual
3rd- JH Restaurant, Saitual Bazaar

VC Area:
1 st-Rulchawm Village Council
2nd-Ruallung Village Council
3rd-Saitual Venglai Village Council

Anganwadi:
1st- Anganwadi Centre-llI, Ruallung
2nd- Anganwadi Centre-VIl, Saitual
3rd- Anganwadi Centre-VI, Saitual

Lawmman semna neih zawhah hian hnam puanzar chibai bukna neih niin Republic Day lawmna hun hi khar a ni. Keifang Centenary Sports Complex-a hun hman zawh hian DC Bangla-ah sawm bikte pualin ‘VIP at home’ hman a ni bawk.