4442/2024-2025 

Saitual, the 26th February, 2025: Vawiin khan Health & Family Welfare Department hnuaia Mizoram Health Systems hmalaknain kea kal thatzia inzirtirna, kea kal runpui 'Walk for health- Walkathon 2025' chu Saitual District-ah neih tan a ni.  

Walkathon 2025 hi Saitual District-a khaw hrang hrangah buatsaih a ni dawn a, vawiinah hian Keifang, Saitual, Lenchim leh Sihfaah neih a ni ang. 

Kea kal runpui hi a hmasa ber atan tukin dar 7:00 AM khan Keifangah neih a ni a, kalkhawmte chuan Keifang kawn atanga Sedai kawn thleng kawng an zawh. He hun hi Dr. Daniel Lalchhandama, Health and Wellness Officer, Keifang HWC chuan a kai hruai a, walkathon thil tum te, kea kal tam thatna te leh inkaichhawn theih natna ni lo (non-communicable diseases) laka invenna tha a nihzia te a tarlang a, kalkhawmte chu kea kal uar deuh deuh turin a chah nghal a ni.  

Walkathon hi Saitualah pawh chawhma dar 10:00 AM khan neih a ni a, Saitual CI kawn atanga PWD kawn thleng kalkhawmte chu an kal a. He hun hi Health and Wellness Centre Officer, Pi Marina Lalengkimi, Saitual HWC chuan a kai hruai a ni.  

Walk for Health- Walkathon hi Mizoram District 5-a khaw 510-ah neih tura ruahman a ni a, khaw hrang hrangah kalpui tan a ni. He hmalaknain a tum ber chu mitinin nunphung hrisel zawk kan neih theih nan leh natna inkaichhawn theih loh- thisen sang, zunthlum leh stroke te laka inven lawk theih nana kea kal tam inzirtir a ni.