37/2024-2025 

Dated Saitual the 3rd April, 2024: Vawiin khan Saitual District huam chhung a thli leh rial in an in leh lo leh bungrua a tihchhiat chungkaw thahnem tak chu SDRF hnuaiah tanpuina, Saitual DC,Dr Lalngura Tlau hmalakna in an account ah thun a ni a, tanpuina hi account kimchang thehlut khua te hnenah pek hmasak a ni.

March ni 30 leh April ni 1 a Mizoram khaw tamtak a thli leh rialin chenna in leh bungrua tamtak a tihchhiat kha Saitual District pawh in nasa takin a tuar a. Vawiin a tanpuina pek tak te hi chhungkaw 43 niin khua panga -Saichal, Keifang, Tawizo, Buhban leh Lailak khua te an ni.

Sawi tak ang khan Tanpuina hi account kimchang thehlut hmasa khua te hnena pek annih avangin tanpuina la dawng lo Tualbung khua, chhungkaw 74 te pawh an account details an rawn thawn veleh thun sak nghal tur a ruahman a ni.

Thli leh ruah in a tihchhiat khua te hi Pathianni chawhnu leh Thawhtan nileng khan Saitual DC tirh in SDC Pu VL Chaka Hmar, Nodal officer for Disaster ho in a hmunah  verification tih nghal vek bawk ani.