62/2024-2025 

Dated Saitual the 5th April, 2024: Vawiin khan Saitual DC office Chamber ah District Election Officer, Dr Lalngura Tlau chuan chanchinbumite kawmin Saitual District in a kan hma lawk a Lok Sabha MP General Election a hmachhawnna tura an inbuatsaihna te a hrilhhriat a zawhna leh chhanna hun hman nghal a ni.

Vawiin a District Election Officer in Weekly Press briefing puala thuthar thehdarhtute a kawmna ahhian an dinhmun hrang hrang a tarlanga chungte chu a hnuaia tarlan ang hi anni:

Voter Dinhmun: SSR 2024-a a lan danin Saitual District ah hian voter 56303 an awm heng zingah hian Service voters 518 an tel a ni.

EVM & Strong Room: Inthlanna atan hman tur EVM neih dan chu hetiang hi a ni: BU-145,CU-145,VVPAT 152. EVM Comissioning hi 10-12April ah DC Office Saituala neih tura ruahman a ni.

Polling Station: Saitual District ah hian Assembly Segment pathum awmin Polling Stations 80 a awm a ni.Heng PS te hi Sector Magistrate ten an tlawh chhuak vek tawh bawk. Polling Station 5 - Mimbung 1, Mimbung 2, NE Tlangnuam , Khawlian 1 leh 2 leh chu Critical Polling Stations a puan anni bawk.

Polling Officials: PRO hi 98 niin, APRO hi 98 tho an ni a, Polling Officers 2&3 hi 175 anni bawk. Polling officials te hi training vawi thum pek tur niin vawikhat pek an ni tawh.

Home Voting: Home Voting phalsak zah hi Pwd ah mi 50, kum 85 plus ah 144 niin an vaiin 194 an ni. Heng mite hi April ni 8 hian Polling Officers ten an inah kal chilhin vote an thlak tir dawn a ni.

Postal Ballot & EDC : Heng hi dil theih a siam niin, EDC chu April ni 5 thleng dil theih niin Postal Ballot erawh April ni 8 thleng a ni thung.

Election Expenditure Monitoring: Candidate te Election expenditure en fel tur hian team hrang hrang ruat niin team neih zah te chu- AEO(3), Flying Squad (6), SST (6),VST(3) leh  VVT (8) an ni.

Law and Order: SAPF engemawzah lo thleng tawh in CAPF pawh platoon khat rawn thlen belh beisei a ni. Silai tung tura thupek pawh chhuah tawh niin, theihtawp in Law an Order lamah tan lak a ni.

Dr Lalngura Tlau chuan Election inbuatsaihna kawngah thawktu te inpekna ah lawmawm a tih thu sawiin, thutharthehdarhtute pawh theih anga tan lak pui turin a sawm a, Election chu Democracy bulpui a nih avangin fimkhur tak leh thahnemngai taka a hlawhtlin theih nan an zavai a tan an lak a pawimawh hle a ni, a ti.

Vawiin a weekly Press Briefing ah hian Saitual a chanchinbumite leh Election Officer Saitual leh DIPRO te an tel a ni.