1286/2023-2024

Dated Saitual the 27th July 2023: Vawiin khan Saitual District Hospital in Kayakalp a pakhatna lawmman an dawn lawmna an nei.

He Kayakalp lawmna inkhawm Keifang Zawlbuk, Keifang a neih ah hian Saitual DC, Dr. Lalngura Tlau chu khuallian niin Kayakalp Saitual District Hospital in a dawng chu ropui a tih thu a sawi a. Fai chu nunpui chi a ni a ti a, naupan lai atanga thisen a than hnan khawp a kan tuipui a ngai a ni, a ti.

Dr Lalngura Tlau chuan Saitual District Hospital chu CHC level a pakhatna annih piah lamah District level category a hlan kai anih hnuah pawh pakhatna an hauh theih ngei a duhsak thu a sawi. Kayakalp chu swachh bharat hrin chhuah a nih thu pawh sawiin Kayakalp dawng tur a thawktu zawng zawng, doctor leh staff te chu Saitual District in hospital fai leh tha an neih zel theih nana hma lak chhunzawm zel turin leh mipuite pawh Saitual Hospital chu anmahni ta ani tih hria a neitu thinlung pu a enkawl turin a chah bawk.

Dr Zothanpari Chhakchhuak, Medical Officer Saitual pawhin thu sawiin Kayakalp chu tuaithar(Rejuvenate) tihna a ni, a ti a. Faina mai piah lamah natna hrik pung darh tur venna atan an in thawm tha tawk em tihte, bawlhlawh paih dan engtinnge an kalpui, damlo ten tui intur thianghlim an nei em tih te, an staff ten an tihtur leh mawhphurhna an hrechiang em tih te leh tehna hrang hrang a tel a ni, a ti. He Kayakalp hi thawhhona rah liau liau a nih thu sawiin, Hospital a a thawhpui te chungah lawmthu a sawi a, Saitual mipui te chu Hospital fai leh tha an neih zel theih nan a hma lak pui zel turin a ngen bawk.

Saitual District Hospital hi District Hospital puitling anga Kayakalp ahhian chhiar ala ni lo a, Community Health Centre Category ah awmin, kumin Kayakalp ahhian CHC 11, Stage 3-Internal assessment, External assessment leh peer assessment ah te in el in lawmman hian pawisa fai cheng Nuaih 5, Trophy leh Citation a keng tel a, hemi bakah hian Saitual District Hospital hian eco friendly category ah cheng Nuaih 2 an dawng bawk a ni.

Vawiin Kayakalp lawmna inkhawm ahhian Saitual District Hospital Staff te bakah, Head of office hrang hrang te, Kohhran hruaitute, NGO hrang hrang aiawhte leh sawmbik mi pawimawh te an tel a ni.

Inkhawm Dr V Lalhmachhuana'n lawmthu sawina a neih hnu in tihtawp a ni.