1285/2023-2024

Vawiin khan Food Civil Supplies & Consumer Affairs Minister Pu K Lalrinliana ho in IOCL, Railways, Revenue Department, PWD, Power Grid (PGCIL) leh Aizawl DC aiawh ten Oil Depot siam tur chungchang an sawiho.

Vawiina thukhawmte hian Oil Depot siamna tura ram lak tur chungchanga thil tul te an sawiho a. Oil Depot hi Sihhmui rama siam tur niin, hemi atan hian Acre 24 a zau ram leh a kal pawhna tur atan Acre 7 a zau ram lak tur a hmalak mek a ni a, rel in a kal pawhna tur hi leiverh a siam tum a ni. Oil depot-a rel dinna tur rail-siding siamna turte pawh sawiho a ni. Hemi atan hian PWD kawng kal dan siam danglam ngaite, Power Grid ban leh hrui kal dan thlak danglam ngaite leh thlak danglam dan turte sawiho a ni a. Revenue Department leh Aizawl DC in ram lak dawna ruahmanna awm leh siam ngai te an sawi bawk.

Oil Depot hi  cheng vaibelchhe 500 hu project tur niin, oil dahkhawlna tur tank hi 9 awm tura ruahman a ni a, oil hi 1500 kilolitre leng tur a ruahman tur a ni.