1103//2023-2024

Dated Saitual the 11th July 2023: Vawiin khan Saitual District Standing Committee on Rationalization of Polling Stations chu District Election Officer Dr Lalngura Tlau hovin Saitual DC Conference Hall-ah an thu khawm a, Saitual District chhunga Polling Station te siksawi leh her danglam chungchang an sawi ho.

He thutkhawmna ah hian District Election Officer Dr Lalngura Tlau chuan Saitual District chu District a nih anga MLA inthlan vawikhat a hmachhawnna tur anih avangin theihtawp chhuah a tul thu a sawi a. Polling station te tihdanglam leh siksawi chu Election Commission of India thu anih avangin District thuneihna a tih danglam a rem lo a, District Election Commission in a buaipui theih chu rawtna tha tak siam a, chu chu thuneitu ten an lo pawm tur a thlen a ni, a ti. Mipui ten zangkhai leh tha taka vote an thlak theih nan Polling Station thenkhat tihdanglam angaih avangin Election Commission a rawtna siam turah an ngaihtuahna te ngunthluk taka hmang turin kalkhawmte chu a ngen bawk.

Pi Laldinfeli, Election Officer, Saitual in Polling Station siksawi leh remchang zawk tura her danglam ngai te sawiin, ngaihtuah ho a ni a. Saitual District hnuaia bet assembly constituency pathum hnuaia Polling Station thenkhat te chu mipui tan veivah leh vote thlak a remchan zawk nan a siksawi chu thuneitu ten an lo pawmpui tura thlen rel a ni.

Vawiin thutkhawmah hian Saitual District chhunga Election kaihhnawiha Official te, Political Party hruaitute, YMA Sub Hqtrs hruaitute leh MJA Saitual te an tel a ni.


Attachment

  • Loading attachment...