1859/2023-2024
No.C.31015/1/2019-DC(STL)
Saitual leh Hliappui inkar kawng hi lirthei lianin a zawh nasat avang leh tun hnaia fur ruahtui tlak tam avangin kawng dinhmun hi a chhe sawt hle a, chetsualna a thleng mai bakah lirthei tang a tam thin a ni. Tin, NH102B Package-IlI Saichal leh Hliappui inkar kawng hi laih tan mek a ni bawk a, he kawnga zin veivak te leh kawng laih hna thawktute an him tlan zawk a, chak zawka kawng laih hna kalpui a nih theih nan thupek chhuah leh a tul a.
Chuvangin, District Magistrate, Saitual District chuan chhiatna thleng thei laka mipuite an himtlan zawk nan Disaster Management Act, 2005 section 34 (b) & (m)-in thuneihna a pek angin a hnuai ami ang hian thupek a chhuah a ni :
September ni 13, 2023 atanga October ni 13, 2023 (thla khat chhung) Saitual leh Hliappui inkar kawngah Heavy Motor Vehicle (HMV) tlan phal a ni lo.
He thupek zawm lote chu Disaster Management Act, 2005 Section 51 hmangin hrem theih an ni.
