4566/2023-2024

Dated Saitual the 15th April 2024: Vawiin chawhma khan Saitual SP Pu Pukhraj Kamal Gupta IPS chuan a office chamber ah thuthar thehdarhtute kawmin, Saitual Police in kan hma lawk a Lok Sabha MP Inthlanpui 2024 lo awm tura tana an inpuahchahna te a hrilhhria.

Pu Pukhraj Kamal Gupta chuan Saitual Police leh Security lam hrim hrim chu an in puahchahna a that tawk viau tawh thu sawiin ralmuang taka inthlanna neih a nih ngei theih a beisei thu a sawi.

Election vuakvet ah nasa taka hma an lak thu sawiin, Election puan anih atanga dan phalloh thil an man tawh zawng zawng a tarlang a, chungte chu:

1. Local zu litre 420
2. Local zu siamna ramhnuaia an tihchhiat - Litre 1650
3. Heroin - 155.8 gm
4. Ganja - 4.8 kg
5. Kuhva - Bag 1277

An thil man te hi a vaia belhkhawm chuan cheng nuaih 70 hu a ni, a ti.

Saitual District chhungah Critical Polling Station 5 an awm thu sawiin, chungte chu Mimbung 1&2, NE Tlangnuam leh Khawlian(2) te an ni a.

Heng polling Station ahhian CAPF -ITBP section khat theuh dah an ni.

Saitual District a Silai license nei 398 pawh endik vek niin, chung zinga 94 chu an silai te tun sak anni bawk. Interstate NAKA hi Mimbung leh Tuivai ah dah niin Intra District NAKA pawh khualmawi leh Phullen ah dah anni bawk. Inthlan Vuakvet a venhimna ti phuisui tur in tul thut a koh tur in Quick Response Team 2 dah an nih thu a sawi bawk.

Pu Pukhraj Kamal chuan inthlan chu Democracy kut pui anih ang taka hlim tak leh ralmuang taka mipui te chu vote thlak turin a chah a, mamawhna leh harsatna an nei anih chuan Saitual Police chu anmahni pui tur a an in peih reng thu a sawi bawk.

Vawiin a SP in a briefing a neihah hian DIPRO Saitual leh Saituala thuthar thehdarhtute an tel a ni.