658/2026-2027

Saitual the 22nd May, 2026: Vawiin khan DC Conference Room, Saitualah CM Special Package phase II hnuaia Progress partnerte tan Orientation Training neih a ni a, he hun hi Pu Lallawmawma, Addl DC, Saitual chuan a kaihruai a ni. 

Chairperson Pu Lallawmawma, Addl DC chuan kalkhawmte hnenah lawmna thu sawiin Banakaih Scheme chu sawrkar scheme pawimawh tak a ni, a ti a, progress partnerte chu bana kaih reng ngai lo a, mahnia intungnung zui thei tura theih tawp chhuah turin a chah bawk a ni. 

He hunah hian Pu J. Lalawmpuia, SDC leh Pu R. Vanlalfaka, SDC-te chuan Bana Kaih Scheme nihphung tlangpuite,  Entrepreneurship leh Business Management chungchangah te training an pe a, tangkai taka hmang tur leh theih tawp chhuah zui turin kalkhawmte an chah a ni.  

Vawiina Orientation Training neih naah hian Saitual District chhunga khaw hrang hrang atangin progress partner mi 12-te hnenah Certificate leh Placard sem nghal an ni.