427/2024-2025

Dated Saitual the 7th May, 2024: Vawiin khan Saitual DC Dr Lalngura Tlau hovin Saitual District chhunga Common Service Centre neih mek enawnna leh CSC la awmloh na hmun ah te din tura hmalak dan tur chungchang ngaihtuahin DC Conference room ah sawm bikte nen an thukhawm.

Thutkhawmna ahhian Saitual District chhunga CSC khaw 28 a neih mek bakah la neihlohna khuaah te arang lama kim taka neih theih nana hmalak dan turte sawiho a ni a, District chhunga khaw hrang hranga CSC din tawhna te leh an activity te thlirho  bawk niin CSC la awmlohna khua 15 te chu District Co-ordinator Pu Malsawmkima, Saitual chuan VC te lo berawnin atul anga hmalak zui dan turte lo ngaihtuah se tih a ni.

Heng bakah hian e-District chungchanga CSC training neih te pawh a rang lama neih tura rel a ni a,Certificate dil chungchanga hriat tur pawimawhte khaw tina VC te hriatpuina format inang tlang hman theih tur ruahmanna siamte pawh a tel bawk.

Meeting Chairman, Saitual DC ni bawk, Dr Lalngura Tlau chuan Common Service Centre (CSC)chu mipuite tan kawng tinrengah awlsamna a nih thu leh hun leh tha, sum leh pai tam tak humna tur a nih thu sawiin CSC tangkaina leh tunlai khawvelah khawtinten neih ngei a tul thu a sawi.

He meetingah hian Pu Lalduhkima, State Manager, CSC e-governance Services India Ltd.Mizoram, Pu Malsawmkima, District Co-Ordinator, Saitual leh Pu Lalhluzuala, Manager, Marceiles Computer Institute te an tel thei a ni.