2603/2024-2025 

Saitual, the 18th October, 2024: Vawiin chawhma dar 11 am khan DC Conference room, Saitualah District Bawrhsap Dr. Lalngura Tlau kaihhruainain District Cooperative Development Committee (DCDC)  chu an thukhawm.  

Thutkhawm kaihruaitu Dr. Lalngura Tlau chuan kalkhawmte hnenah lawmthu a sawi a, DCDC member-te chu inhawng taka an ngaihdante sawi turin a sawm a ni.    

He thutkhawmah hian DCDC Member Secretary, Pu SK Das chuan Primary Agriculture Credit Societies (PACS) a sawifiah a, PACS chu loneitu loan chhete mamawh, bank account neih loh avanga loan la thei lote tan a tangkai hle a ni tih a sawi. Bank atanga loan an lak chuan a hun takah te an dawn thin loh avangin harsatna an tawk thin a ti a, PACS chu Apex Bank nen inthlunzawmin loneitute chuan PACS hmangin awlsam takin loan an la thei a ni, a ti.   

He thutkhawmah PACS computerize chungchang sawiho a ni a, tun dinhmunah hian Saitual District-ah Khanpui Multipurpose Cooperative Society Ltd chuan ERP (Enterprise Resource Planning) trial run a zo tawh a, Teikhang Farming Cooperative Society Ltd chu  Go Live stage a awm mek a ni. Committee chuan district-a MPACS dang zawng zawngte chu  computerize vek turin hma lak rel a ni.   

Sawrkar laipui chuan Ministry of Cooperation kaltlangin India ram chhunga PACS zawng zawng te tan common bye-laws a siam a, hei hi June ni 1, 2023 atanga hman tan a ni. Heng bye-laws te hi khaw tual tawng (local language)-a leh a ni a, tun dinhmunah hian Mizoramah hian print mek niin M-PACS zawng zawnga sem darh tur a ni.  Saitual District-ah hian M-PACS pa 3-in he bye-laws thar hi an zawm tawh a, District chhunga PACS-a in ziaklut thar zawng zawngte chuan he bye-laws te hi an zawm tur a ni.  

Ministry of Cooperation chuan thlatin M-PACS, Dairy/ Fishery societies pa-5 thlatin din thar tura duan ni mah se, Saitual district-ah chuan mihring an la tlem a vang leh commercial bank te a tam tawk loh avangin tihpuitlin theih a ni rih dawn lo a. PDC leh Bank manager, MCAB te tangkawpin PACS a inziaklut tura awareness campaign a tam thei ang ber neih Committee chuan a rel a ni.   

Pradhan Mantri Kisan Samridhi Kendras (PMKSK), hnuaia lo nei mite tana dawr “One Stop Shop” chu a Saituala M-PACS pa 3 te chuan neih ve phalna an thehlut a, Department of Agriculture kaltlangin license pawh dil mek a ni. Primary Cooperative Societies-te chu National Cooperative Database (NCD) portal-ah an data te an tarlang thei a ni.  

Vawiin hian District Cooperative Development Committee (DCDC) hnuaia sub committee- Joint Working Committee thurel hmasak sawiho a ni a, Committee chuan an pawm tlang a ni. 

Vawiin thutkhawmah hian District Bawrhsap Dr. Lalngura Tlau, Pu SK Das, District Cooperative Society Officer, Pi H. Lalhmachhuani, DDM, NABARD, Pu H. Lalhmangaihzuala, Bank Manager, MCAB bakah line department te an tel a ni.