3609/2023-2024

Dated Saitual the 1st February 2024 : Vawiin khan District Level Committee on Fire Prevention (DLCFP), Saitual District chu an Chairman leh District Bawrhsap ni bawk Dr Lalngura Tlau hovin an thukhawm a, Fire prevention chungchang leh Saitual District a Fire week hman dan tur chungchang te an sawiho a ni.

District Bawrhsap Dr Lalngura Tlau chuan meeting tan nan sawiin nikum chhung ringawt pawh in Mizoram hmun hrang hrang ah ram kan nasat thu sawiin Mizoram kangmei chhuak tam zawk chu accident nilo in hal luih a ni tlangpui a ni, a ti a. Hei vang hian invenna felfai taka kalpui a pawimawh takzet a, mipuite zirtirna pek kawngah Department leh khawtlang aiawh te an pawimawh hle a ni, a ti.

Vawiin meeting-ah hian thupui hrang hrang sawiho niin Member Secretary in thurel turte sawi hawnna neiin kum hmasa lama an hman thin dan tlangpui tarlanna a nei a. Chung zingah chuan kangmei venna hapta hman dan tur pawh ngaituah ho niin, Fire prevention awareness week inauguration chu February ni 5 ah neih ni se, a hmun atan Saitual DC Bungalow kawtzawl ni se tih a ni bawk. He hunah hian Addl DC Pu Lallawmawma chu khuallian tura beisei a ni. Hemi rual hian Saitual District a Khaw tina ah he Fire Prevention week hi BDO leh VC te kaihhruaina hnuaiah neih nise ti a rel a ni bawk.

Vawiin meeting a thu pawimawh ngaihtuah zual zingah hian Kangmei ven kawnga mipuite zirtirnan a tam thei ang ber a awareness pek ni se tih te, Saitual District chhunga Lo/Leipui neite reng rengin meikawng tha taka sialin March ni 15 hmain hal vek tur a ni a, an hal hma ni thum ah village council te hnenah an hrilhhriat tur a ni tih te leh kangmei ven kawnga ti tha te lawmman pek chungchang te sawiho a ni.

Meeting-ah hian District Level Committee on Fire Prevention (DLCFP) members te an tel tha hle a ni.