3383/2024-2025

Saitual, the 5th December 2024: Vawiin chawhma dar 11:00 khan District Innovation Challenge Committee Chairman, District Bawrhsap ni bawk, Dr. Lalngura Tlau kaihhruainain DC Conference Room, Saitualah District Innovation Challenge Committee-te chu an thukhawm a, Chief Minister’s Bana Kaih Innovation Challenge chungchang thlir hoin, hmalak zui dan turte ngaihtuahho a ni.

He hunah hian Chairman, Dr. Lalngura Tlau chuan Planning & Programme Implementation Department hnuaia Chief Minister’s  Bana Kaih Innovation Challenge chungchang a sawifiah a. Mizoram sawrkarin mipuite zinga ram, khawtlang leh mipui huapzo tur thilṭha ngaihtuah chhuak thei a zawnna a ni tih sawiin, Bana Kaih nen thil dang daih a nih thu a sawi bawk. Chairman chuan mimal anga tel a rem loh thu leh pawl leh NGO hrang hrang, Self-help group, Society leh a dangte tan erawh tel vek theih a nih thu sawiin, tel theuh turin kalkhawmte chu a sawm nghal a ni. Dr. Lalngura Tlau chuan Project te chu siam zawha hluihlawn leh mai tur ang ni lovin hman zui (sustainability) theih tur leh intungnung zui thei tur lam hawi a pawimawh a ni a ti. 

Innovative Challenge hi kum tina buatsaih tur a ni a, Planning department lam buatsaih niin chi 4-ah ṭhen a ni a, Departmental Challenge, Innovation Challenge (hei hi district hrang hrang 11-ah te inel tur niin lawmman pakhatna, pahnihna, pathumnate thlan chhuah a ni ang a, Aizawlah Chief Minister-in lawmman a hlan ang), Higher leh education challenge te bakah Inventor challenge te a awm   dawn bawk a ni.

Vawiin thutkhawmah hian Ngopa Sub-Division aiawh leh Phullen BDO te pawh biakhlatna hmanga telin an area chhunga sawrkar department hrang hrang bakah NGO te leh group angte a tel theih a nih thu leh an area-a puanzar kawngah pawh hma lo la zui nghal tura tih an ni. Hetih rual hian Saitual lamah pawh puanzar kawnga hma lo la turin DIPRO ruat a ni a. He Innovation Challenge a tel te chuan January ni 20, 2025 ral hmain DC Office-ah Project te thehluh vek tur niin District Level Committee aiawh ten project tha zual pathumte an lo thlang chhuak dawn a ni. Hengte hi February ni 18, 2025 ral hmain Mizoram State planning Board (MSPB), Aizawl h thehluh leh a ni ang. 

He thutkhawmah hian Pu Lalthakima SDO(S),Pu Lalnunpuia, Supdt, Dr V. Lalremruata, Dy. CMO , Er Laldinsanga Hnamte, DUDO, Jt VC aiawh, YMA Sub-Hqtrs aiawhte bakah line department hotute leh aiawhte an tel a ni.