2480/2025-2026

Saitual the 17th September, 2025: Vawin khan DC Conference Room, Saitualah District Bawrhsap leh District Level Aadhaar Monitoring Committee Chairman ni bawk Dr. Lalngura Tlau kaihhruainain thutkhawmna neih a ni a, he hunah hian Saitual District mipuiten chak zawka Aadhaar felfai an neih theihna tur kawng hrang hrangte sawiho a ni.

DLAMC Chairman Dr. Lalngura Tlau chuan thu sawiin biometric update a pawimawhziate, a bikin zirlaite tana biometric update that lohvin a ngawng theih hrang hrang i.e UDISE+/Competitive Examination etc. ah te harsatna a thlen loh nana inhrilhhriat nasat a tul ziate, district mipuiten harsatna an tawh loh nan Zirna In, Damdawi In leh District Level Office-ah biometric enrolment/registration chak zawka kalpui a tul thute a sawi a ni.

Vawiin thutkhawmah hian Aadhaar update approval muang thin chungchangte, Phullen-a In-house Aadhaar Operator dah chungchangte, Aadhaar Operator pahnihten 18+ permit an la neih loh chuangchanga harsatna awm thinte a ranglama sut kian sak turin DLAMC Saitual -te chuan Regional Office, Guwahati te hnenah ngenna an thlen bakah operator thar Phullen RD Block-a onboard a tul thute sawiho a ni.

Vawiin thutkhawmah hian Pi Christina Lalnunfeli, SDC/Nodal Officer, UDAI, Saitual District leh DLAMC members -te an tel bakah Pu Amitabh Bora, Project Director, UDAI, Guwahati leh Pu Chinmoy  Kakati, Asst Manager, UDAI, RO, Guwahati -te biakhlatna hmangin an tel bawk a ni.