1861/2024-2025

Dated Saitual the 2nd Sept 2024 : Vawiin khan Saitual Bawrhsap Dr Lalngura Tlau hovin DC Conference Room Saitualah District Level Committee on Centrally Sponsored Scheme Pradhan Mantri Matsya Sampada Yojana(PMSSY) meeting vawi 1-na neih a ni.

He hunah hian PMMSY(CSS) hnuaia kum 2023-2024 chhunga sangha dil siam tanpuina dilna tlingkhawm atangin mi 25 thlanchhuah tawhte chu approved an ni a. Sangha dil siamna hi district chhung atangin dilna 482 a lut a, heta tang hian mi 25 te chu vawiin khan District Level Committee te chuan an approved a ni. Saitual District tan 5 hectare allotment hmuh niin mi 1 zelin 0.2 (2000Sq.m) hectare assistance an dawng thei dawn bawk a ni.

He hunah hian committee chairman, Dr Lalngura Tlau chuan thusawiin central scheme hnuaiah mipuite tan hamthatna lo thleng thin chu lawmawm a tih rualin a nihna ang taka hmang tangkai an tam tawk lo thin erawh pawi a tih thu a sawi a, tun tuma beneficiary thlan chhuahte pawh hi department lamte’n uluk taka monitoring ti zui tur leh an hmang tangkai tawk em tih chu vil zui turin a chah nghal bawk.

Vawiin meeting-ah hian Pi Zomuansangi, DFDO (Member Secy), Pi PC Zonuntluangi, PD, DRDO leh Pu Robert Zosangliana, Manager, Lead District Manager, Serchhip bakah Line Department aiawhte, constituency tin aiawh prominent citizen-te an tel thei a ni.