2201/2024-2025

Saitual, the 25th September, 2024 : Vawiin chawhma dar 11:00 AM khan District Level Standing Committee on Rationalization of Polling Station chu DC Conference Hall-ah District Election Officer Dr Lalngura Tlau kaihhruaina hnuaiah thutkhawmna neih a ni a, he hunah hian Polling Station hrang hranga sik sawi leh her danglam ngaite ngaihtuahho nghal a ni.

Thutkhawm kaihruaitu DEO leh District Bawrhsap ni bawk Dr Lalngura Tlau chuan kalkhawmte hnenah lawmthu sawiin rationalization chungchanga BLO ten part thar siam tura rawtna an rawn thlen chu lawmawm a tih thu a sawi a. Bawrhsap chuan inthlan laia Polling Station thenkhat a vote thlak rei lutuk thinte, vote thlak tura Polling Station hla tak tak pan ngai thinte chuan mipuite tan harsatna a siam thin, a ti a, he harsatna su kiang tur leh tar chak lote tana pan a awlsam zawk nante leh vote a tlak that lehzual nan polling station thar siam leh a awm sa siksawi rawtna hi ngaihtuahho a tul a ni, a ti.   

He thutkhawmah hian mipuiten zangkhai leh tha taka vote an thlak theih nan Polling Sation thenkhat tih danglam rawtna, BLO ten an thlen chu an sawifiah nghal a, 8-Chalfilh A/C hnuaiah Polling Station 7 awmin, 4 siam belh tura rawtna leh 9-Tawi A/C hnuaiah Polling Station 11 awmin, 4 siam belh rawtna chu ngun taka thlirho a nih hnuah pawm a ni a. Polling Station thar tinah hian BLO turte pawh ruahman nghal a ni bawk. 

He thutkhawmah hian Pu Lalthakima Chhangte, EO, Pi Christina Lalnunfeli, AERO bakah Addl SP, DEO, DIPRO, DRO bakah 8-Chalfilh A/C leh 9-Tawi A/C huam chhunga BLO-te, Political party aiawhte leh NGO hrang hrang aiawhte an tel a ni.