3617/2024-2025

Saitual, the 2nd December 2024: Vawiin chawhma dar 11:00 khan Saitual District Sports Committee chu District Bawrhsap leh SDSC chairman ni bawk Dr Lalngura Tlau kaihhruainain DC Conference Room-ah an thu khawm a, Sports Association pathum atanga dilna lut chungchang an sawiho.

District Bawrhsap Dr. Lalngura Tlau chuan kalkhawmte hnenah lawmthu sawiin Saitual District tana ngaihtuahna seng tur leh an theihnate district tana hlan turin a chah a, sports association hruaitute pawh activity nei zel tur leh talent nei ṭhate haichhuahna kawngah nasa lehzuala ṭan la turin a chah a ni.

He thutkhawmah hian District Sports Committee hnuaia Association pathumte aṭanga dilna lutte ngaihtuah a ni a, Mizoram Football Association te'n Mizoram pum huap Inter District Women’s Championship an buatsaih, ni 3rd – 14th December 2024 chhunga Saitual District Football Association te'n an thlen tur atana Saitual District Football Association ten tanpui dilna an thlente, Mizo Inchai Title Fight, ni 9th -11th December chhunga neih tur, Saitual atanga Title Fight tur mi 5 te kalna leh senso phuhrukna atana Saitual District Wrestling Association ten dilna an thlente bakah Zoliana Royte Memorial Indoor Hockey Tournament, Mizoram Open a Saitual District Cricket Association aiawha  player leh coaching staff te kalna senso phuhruknate chu ngaihtuah niin heng hi District Sports Committee chuan a remtihsak vek a ni.

He thutkhawmah hian SDSC chairman Dr. Lalngura Tlau, Sr. Vice Chairman Pu Lalbiakvela Royte bakah District Sports Committee member te leh Ex-officio member te an tel a ni.