2769/2024-2025

Dated Saitual the 30th October, 2024 : Vawiin chawhma dar 10:30 am khan DC Conference hall, Saitual-ah 2nd General Election to Sinlung Hills Council 2024 atan Presiding Officer & Polling Officer te chuan Election officer Pu Lalthakima Chhangte kaihhruainain training an nei a, Pi Christina Lalnunfeli, SDC leh Pi Helen Zomuanthangi, ARDO te chu Master Trainers an ni.

District Election Officer, District Bawrhsap ni bawk Dr Lalngura Tlau chuan kalkhawmte hnenah lawmthu sawiin 2nd General Election to Sinlung Hills Council 2024 chu Saitual district in vawi-1 a hmachhawnna ni mah se huphurh lo turin a chah a, damlohna thlen thei thil tam tak laka inveng tur leh inenkawl ṭha turin a chah bawk. DEO chuan inthlan pawimawhzia a tarlang a, he inthlan hi duty pawimawh tak a nih angin department hrang hrangte chu ṭangho a, theih tawp chhuah turin a chah a ni.

Sinlung Hills Council 2024 atana State Election Commission (SEC) in observer-a a ruat Pu H. Lalhmingthanga pawhin thu sawiin Saitual District chu election lama tawnhriat ngah tak DC viak ṭha leh Officers fel takte hnuaia inthlanna hmachhawn a ni tur chu an vanneihzia a sawi a, inthlanna hi sawrkar hnathawk zawng zawngte a huhova mawhphurhna (collective responsibility) a ni, a ti a, inthlanna thianghlim leh muanawm a awm theih nan kalkhawmte chu an theihna zawn theuha hma la turin a chah bawk.   

He hunah hian Master Trainers te chuan PrO &PO te hnenah election kaihhnawih hriattur pawimawh hrang hrangte bakah form hrang hrang fill up dan turte inhrilhhriatna hun an hmang nghal a ni.