2768/2024-2025

Dated Hnahthial, the 30th October, 2024: Vawiin khan Hnahthial DC Meeting Hall-ah Mizoram puma tuilian leh leimin thlen thulha chet lak dan tur zir hona - 'State Level Mock Exercise on Flood and Landslide Disaster in Mizoram', Hnahthial District-a kalpui dan tur chu thutkhawmna hmasa zawk thurel bawhzuiin Sub- Committee, Addl. DC, Pu Zothanmawia Khiangte kaihhruaiin thutkhawmna neih a ni.

Thutkhawmnaah hian thurel hmasa zawka leimin thlen palha chet lak dan tur zirna hmun tura lo thlan lawk tawh - HDFA turf ground bul bakah Chala thlan bul, Lungleng pengah mock exercise chu kalpui turin rel a ni a. Heng hmun pahnih ah hian hliam lem chang tur (victim) pathum ve ve awm tura ruahmanna siam niin Quick Response Team ten an hmanraw mamawh belh turte chu Chairman hnenah an thlen nghal bawk a ni.

Sinlung Hills Council General Election November ni 5 a neih tur anih avangin Table top exercise November ni 5 a neih tur leh Mock Exercise November ni 7 a neih tura ruahmanna lo siam lawk tawhte chu National Disaster Management Authority chuan rawn sawnin Table top exercise chu November ni 12 ah sawn niin Mock Exercise chu November ni 14 ah sawn a ni bawk a ni.

Mock Exercise neih niah hian Control room atan DC Office chu hman tur niin zing dar 10 ah tan tur a ni dawn a. Siren DC office atanga tih rik tur niin DC office atang hian QRT member-te chuan Mock Exercise neih na hmun tur an pan ang a. SP leh CMO Office-te chu DC office atang hian hrilhhriat nghal tur niin anni lam chuan a tul angin hma an lo la nghal dawn a ni. Rescue operation neih zawh anih hnuin hliam lem chang(victims) te chu Hnahthial District Hospital panpui tur an ni ang.

Mock Exercise neih ni a kalpui dan tur kimchang briefing hi November ni 12 a Table top exercise tih zawh hnuah neih tura ruahmanna siam a ni.

He thutkhawmnaah hian Pu Besimosia Lapi, Addl SP; Pu Hmingmawizuala, DUDO; Pi Esther Leihang, SDO (Sadar); Pu R. Vanlalruata, SDC; Pu F. Lalrinfela, DIPRO; CMO leh P&E aiawh te; VC aiawh te; Sub Headquarters YMA aiawh te bakah QRT member aiawh te an tel a ni.