596/2026-2027

Saitual, the 19th May, 2026: Vawiin khan DC Conference Room, Saitualah, Saitual District-a Field Level Officials te tan Special Intensive Revision 2026 training buatsaih a ni.

He hunah hian District Bawrhsap Pu Srinivas Sadi chuan inlawmna thu a sawi a, Special Intensive Revision 2026 atana training buatsaih a ni thei chu lawmawm a tih thu sawiin, mawhphurhna nei zawng zawng te chu theih tawp chhuah turin a chah a ni.

Vawiin training-ah hian Pi F. Lalnisai, State Level Master Trainer chuan SIR chungchang leh a tangkaina te, SIR 2026 atanga schedule te leh kalpui dan tur te, training pek dan te, Enumeration form chungchang te, ERO, AERO leh BLO mawhphurhna te a tarlang a ni. 

Training-ah Pu Srinivas Sadi, DC & District Election Officer, Pu Lallawmawma, Addl. DC & ERO, 21-Lengteng, Pu V. Laldinsanga, Project Director & ERO, 8-Chalfilh, Pu Tharun Patnaik Madala, SDO (S)& ERO, 9-Tawi, Pi Mary L. Rodinpuii, Election Officer, Pu J. Lalhmahruaia, BDO Phullen & AERO, 8-Chalfilh, Pu J. Lalawmpuia, SDC Saitual & AERO, 9-Tawi, Pu R. Vanlalfaka, SDC Saitual, Pi F. Zodingpui,i DIPRO Saitual te an tel a ni. 

 Special Intensive Revision (SIR) kalpui dan tur tlangpui te:

1. Special Intensive Revision ah chuan Electoral Roll hi a thar hlaka buatsaih tur a ni.

2. Chutihrual chuan tuna Electoral Roll kan hman mek leh kum 2005-a Mizorama Intensive Revision kan neihtuma Electoral Roll behchhan tur a ni ang. Tuna electoral roll hman meka hming chuang ten enumeration form hmangin electoral roll-a ziahluh an dil thei ang a. Enumeration Form thehlut zingah kum 2005 Intensive Revision electoral roll-a hming la chuang lo emaw an detail inmil lo te chuan an nihna tih chianna document an thehluh leh a ngai dawn a ni.

3. Electoral Roll siam thar turah hian Enumeration Form hmangin hming ziah luh dilna thehluh tur a ni a, tuna Electoral Roll kan hman lai meka hming chuang ten Enumeration Form hi thehluh tur a ni.

4. Electoral roll hmanlai meka hming chuang lo te erawh in Form 6 hmangin Electoral roll-a hming ziahluh an dil a ngai ang.

5. Enumeration Form hi BLO/Booth Level Agent (BLA) ten in tinah an sem ang a, dahkhah hnuah BLO ten anla khawm leh ang.

6. Enumeration Form thehlutte chuan an EPIC ngai an ring thei ang a, EPIC thar pek chhuah an ngai lovang. (Hemi chungchangah hian Election Commission of India chuan thuthar a neih leh neih loh ngaihchan a ni)

7. A hun chhunga Enumeration Form thehlut lo erawh chuan Form-6 hmangin Electoral Roll-a hming ziah luhthar an dil a ngai dawn a, EPIC thar pek an ni ang a/ an EPIC number ngai an ring thei lovang.

8. Enumeration Form thehluh rual hian document engmah thil tel a ngai lovang.

9. ERO chuan Enumeration Form thehluttu zawng zawng hming chuanna draft Electoral Roll a buatsaihin a tichhuak ang a, hemi copy hi Electoral Registration Officer (ERO)/Asst. Electoral Registration Officer (AERO) office ah leh District Election Officer/DC office_ah en theihin a awm ang.

10. ERO-in uluk taka Enumeration Form-te a enfiah hnuah Enumeration Form thehlut zingah SIR neih hnuhnung ber Electoral Roll-a an detail (anmahni emaw an chhungte) awmlo emaw inmillo an awm chuan ERO-in notice a pe ang a, ERO hmaah hearing neih tur ni.

11. Hearing-ah mahni nihna (detail) tih chian nan a hnuai ami ang hian document thehluh tur a ni

Ni 01.07.1987 hma lama India-a piang tan

•    A hnuaia list atang hian document eng pawh mahni pianni emaw pianna hmun tih chianna tur document thehluh tur

India ramah Ni. 01.07.0978 leh 02.12.2004 inkara piang

•    A hnuaia list atang hian mahni document eng pawh pianni emaw pianna hmun tih chianna tur thehluh tur

•    A hnuaia list atang hian nu emaw pa emaw document eng pawh pianni emaw pianna hmun tih chianna tur document thlang rawh

Ni. 02.12.2004 hnu lamah India rama piang

•    A hnuaia list atang hian mahni document eng pawh, pianni emaw pianna hmun tih chianna tur document thehluh tur

•    A hnuaia list atang hian document eng pawh, mahni pa pianni emaw pianna hmun tih chianna tur document thehluh tur

•    A hnuaia list atang hian document eng pawh, mahni nu pianni emaw pianna hmun tih chianna tur document thehluh tur

•    Nu emaw Pa emaw Indian an nih loh chuan i pian laia an Passport copy thehluh tur

India ram pawn piang tan (Ram pawna India Mission-in Birth Registration a pek chhuah finfiahna thil tur)

Registration/Naturalization hmangin India khua leh tui nihna nei tan. (Certificate of Registration of Citizenship thehluh tur)

1. Document thehluh theih te –

i.    Central/State Sorkar/PSU eng pawha regular employee/pensioner hnena Identity

ii.    Card/Pension Payment Order pek chhuah apiang.

iii.    Sawrkar hnuaia Bank/Post Office/LIC/PSU ten 01.07.1987 hmaa Identity Card emaw

iv.    Certificate emaw Document emaw an pek chhuah

v.    Thuneitute hnen atanga Birth Certificate pek chhuah

vi.    Passport

vii.    Board/University pawrnpui Matriculation/Educational certificate

viii.    Permanent Residence Certificate state thuneitute hnen atanga pek chhuah

ix.    Forest Right Certificate

x.    OBC/SC/ST certificate emaw thuneituten an pek chhuah caste certificate eng pawh

xi.    National Registration of Citizens (a awmna apiangah)

xii.    Family Register, State/TuaIchhungthuneitute buatsaih

xiii.    (Xi) Sawrkar-in ram/in a pekna certificate eng pawh

xiv.    Aadhaar card (citizenship proof nan ni lovin mahni identity tih chian nan chauh hman theih a ni)

xv.    Kum 2005-a Mizorama Intensive Revision neih tuma Electoral Roll-a hming chuanna phek (2005 Electoral Roll hi www.ceomizoram.gov.in ah a hmuh theih).